Türkiyənin Şuşa şəhərində (Qarabağ ioqtisadi rayonu - İF) Baş Konsulluq açacaq. Bu barədə Türkiyə prezidenti Rəcəb Tayyib Ərdoğan bəyan edib.

“Şübhəsiz, Şuşa Azərbaycanın ən əsas cazibə mərkəzidir. Hesab edirəm ki, İlham Əliyev, xüsusilə tikiləcək otellərlə bu cazibə mərkəzini daha da cəlbedici edəcək... Həqiqətən, cənab Prezident (Əliyev - İF) dayanmır. Burada çox qısa müddətdə tikilən birmərtəbəli də olsa, o binalarla bura canlandı. Lakin Şuşada hotellərin tikilməsi üçün yatırılacaq investisiyalar onu cazibə mərkəzinə çevirəcək. Biz də, öz növbəmizdə Şuşada Baş Konsulluq açarıq”, - Ərdoğan türkiyəli jurnalistlərlə söhbət zamanı bildirib.

Türkiyə prezidenti qeyd edib ki, Şuuşada, o cümlədən Türkiyə şirkətlərinin iştirakı ilə icra olunan infrastruktur layihələrin tamamlanma şəhərə turist axının artıracaq.

“Zəngilan və digər hava limanlarının açılması bu işin bir hissəsidir. Hazırda burada nəqliyyat infrastrukturunun tikintisi tamamlanmaq üzrədir. Düşünürəm ki, bir ildən sonra Şuşaya səfərlər xeyli asanlaşacaq”, - Ərdoğan bəyan edib.

O əlavə edib ki, Azərbaycan hökuməti “2023-vü ildə Şuşa şəhərinin inkişafına böyük vəsait” ayırmağı planlaşdırır.

“Türkiyənin podratçı şirkətləri də deyirlər ki, planlar reallaşsa, 1-1,5 ilə şəhərdə işlər tamamlanacaq. Bu işlər dəmir yolu ilə yanaşı, avtomobil yolları ilə də

əlaqədardır. Onları da tamamlamaqda qərarlıdırlar. Bu işləri bitirən kimi artıq Şuşaya yol açıq olacaq və bu yerlər həm yerli, həm də xarici turistlərlə canlanacaq”, - Ərdoğan bəyan edib. **

N.Abbasova