2022-ci ildə Azərbaycanda bütün növ nəqliyyat vasitələri ilə 218 milyon 680,5 min ton yük daşınıb ki, bu da 2021-ci ilin göstəricisindən 12,8% çoxdur. Bu barədə “İnterfaks-Azərbaycan” agentliyinə Dövlət Statistika Komitəsindən məlumat verilib.

Yük daşımalarının strukturunda 78,2% qeyri-dövlət nəqliyyat müəssisələrinin, 21,8% dövlət sektorunun payına düşüb. Bununla yanaşı, 2022-ci il ərzində qeyri-dövlət nəqliyyat müəssisələri tərəfindən yük daşımalarının həcmi 2021-ci illə müqayisədə 12,5% artıb.

Hesabat dövründə dəmir yolu ilə 18 milyon 723,1 min ton (tranzit yüklər daxil olmaqla) yük daşınıb ki, bu da 2021-ci ilin göstəricisindən 24,3% çoxdur.

Dəniz nəqliyyatı ilə 7 milyon 519,2 min ton (artım 37,5%), avtomobil nəqliyyatı ilə 126 milyon 24,6 min ton (artım 12%), hava nəqliyyatı ilə 406 min ton (azalma 27,1%) müxtəlif yük daşınıb. 2022-ci ildə daxili neft kəmərləri vasitəsilə 37 milyon 781,5 min ton neft (artım 7,9%) nəql olunub.

Nəqlin qalan həcmi magistral qaz kəmərlərinin payına düşüb.**

B.Rüstəmbəyov