“Azərbaycan Hava Yolları” QSC (AZAL) martın 17-dən etibarən Bakı–Moskva-Gəncə-Moskva-Bakı marşrutu üzrə uçuşlara başlayacaq.

“AZAL bu marşrut üzrə həftədə üç dəfə – bazar ertəsi, cümə və şənbə günləri uçacaq”, - aviadaşıyıcının məlumatında deyilir.

Bundan başqa, AZAL-ın məlumatına görə, martın 19-dan etibarən aviaşirkət Bakı-Sankt-Peterburq-Gəncə-Sankt–Peterburq-Bakı istiqamətində həftədə bir dəfə - bazar günləri uçuşlara başlayacaq.

“İyun ayından etibarən hər iki marşrut üzrə uçuş cədvəlinə daha bir reys əlavə edilərək, müvafiq olaraq çərşənbə və cümə axşamı günləri yerinə yetiriləcək. Aviabiletləri aviaşirkətin rəsmisaytında və AZAL-ın mobil tətbiqi vasitəsilə əldə etmək mümkündür”, - məlumatda qeyd olunur. **

N.Abbasova