«Əl-Cəzirə» kanalı cümə günü ÜST-nin məlumatına istinadən xəbər verir ki, Sudan şəhərində həftə ərzində 400-dən çox insan hərbi toqquşmaların qurbanı olub, 3,5 mindən çox şəxs yaralanıb.

«413 nəfər ölüb və 3551 nəfər yaralanıb», - ÜST-nin nümayəndəsi Marqaret Harris brifinqdə jurnalistlərə bildirib.

Onun sözlərinə görə, ölənlər arasında uşaqlar var, həmçinin ən azı 50 uşaq yaralanıb.

«Əl-Cəzirə» xəbər verir ki, cümə günü toqquşmalar, xüsusilə, Hartum və Bəhri şəhərlərində davam edir. **