Azərbaycan Respublikasının 2023-cü il dövlət büdcəsinə dəyişikliklərin edilməsi müdafiə və milli təhlükəsizlik sahəsinin maliyyələşdirilməsi hcmini 6 milyard 54 milyon 844,623 min manatadək (cari məzənnə ilə $3 milyard 561,4 milyon) artırmağa imkan verəcək Bu barədə maliyyə naziri Samir Şərifov bəyan edib.

“Ölkənin müdafiə qabiliyyəti və milli təhlükəsizliyinin gələcəkdə artırıması məqsədilə 2023-cü ildə bu məqsədlərə əlavə olaraq 1 milyard 105 milyon manatın ($650 milyon) yönəldilməsi nəzərdə tutulur. Beləliklə, 2023-cü ildə bu maddə üzrə büdcə xərclərinin həcmi 6 milyard 54 milyon 844,623 min manatadək artacaq”, - Şərifov çərşənbə axşamı Milli Məclisin bu gün keçirilən iclasında "Azərbaycan Respublikasının 2023-cü il dövlət büdcəsi haqqında” qanuna təklif edilən dəyişikliyin müzakirəsi zamanı deyib.

Daha öncə “İnterfaks-Azərbaycan” məlumat verib ki, əlavə xərclərdən 1 milyard manat (cari məzənnə ilə $588,2 milyon) müdafiə sahəsində xüsusi təyinatlı layihələrin və tədbirlərin reallaşdırılmasına yönəldiləcək. **

X.Nəsirzadə