Kaspersky DDoS Protection-un məlumatına görə, 2021-ci ilin birinci rübündə qeydə alınmış DDoS hücumlarının sayı 2020-ci ilin eyni dövrü ilə müqayisədə 29% azalıb, lakin eyni ilin dördüncü rübünə nisbətən 47% artıb. Bu artım ilin ilk üç ayında qeydə alınan bütün hücumların 43%-nin baş verdiyi yanvar ayında müşahidə olunan qeyri-adi aktivliklə əlaqədardır.
2021-ci ilin əvvəlində bir çox şirkət hələ də uzaqdan işləyir və vaxtın çoxunu evdə keçirirdi. Bu səbəbdən də hücumlar istifadəçilər tərəfindən xidmətlərinə ən çox ehtiyac duyulan təşkilatlara, məsələn, rabitə provayderləri və oyun platformaları kimi ən çox tələb olunan resurslara qarşı təşkil edilib. Bu, müştərilərin internetə qoşulmasında problemlər yaradıb. Bununla belə, bu cür mənbələrin davamlı olaraq təcavüzkarların diqqətinda olmasına baxmayaraq, DdoS hücumları ilə bağlı vəziyyət düzəlməkdədir.
Kaspersky mütəxəssisləri hücumların sayının azalmasını 2020-ci ilin əvvəlindəki anormal aktivliklə əlaqələndirirlər. Uzaqdan iş rejiminə kəskin kütləvi keçid sayəsində əvvəllər yalnız təşkilat daxilində olan korporativ VPN şlüzləri və poçt və ya məlumat bazaları kimi veb mənbələri DDoS hücumlarının hədəfinə çevrilib. Ötən il ərzində əksər müəssisələr lazımi təhlükəsizlik həllərini quraşdırıb. Nəticədə, korporativ veb resurslarına edilən hücumların daha az təsirli olduğu və sayının azaldığı görünür. 2021-ci ilin fevral və mart aylarına qədər DDoS hücumlarının sayı pandemiya öncəsindəki səviyyəyə qayıdıb.
2021-ci ilin yanvar ayı DDoS hücumlarının sayı baxımından önə çıxır. Bu, əmr və idarəetmə serverlərindən gələn bot siqnallarını ələ keçirən və təhlil edən Kaspersky DDoS Intelligence sisteminin statistikasında əks olunub. Məsələn, 10 və 11 yanvar tarixlərində qeydə alınan hadisələrin sayı 1800-ü, eyni ayın bəzi günlərində isə 1500-ü keçib.
“Ümumilikdə, 2021-ci ilin birinci rübü, DDoS-un yanvar ayındakı aktivliyindəki sıçrayış istisna olmaqla, olduqca sakit keçib. Buna bəzi kiber cinayətkarların yoluxmuş cihazları botnetlərə yönəltməyə məcbur edən kriptovalyuta qiymətlərinin düşməsi səbəb ola bilər: mədənçilik (mayninq) əvəzinə onlar arzuolunmaz trafikin göndərilməsi ilə məşğul olublar. Birinci rübdə DDoS hücumlarının sayının azalmasına baxmayaraq, veb resursların bu cür hücumlardan qorunmasını təmin etməyi tövsiyə edirik: gördüyümüz kimi, maddi motivlər əsasında hərəkət edən təcavüzkarlar şəraitdən asılı olaraq taktikalarını asanlıqla dəyişə bilərlər,” deyə Kaspersky DDoS Protection-un MDB üzrə biznesin inkişafı meneceri Aleksey Kiselyov bildirib.
Kaspersky DDoS hücumları və onların nəticələri ilə uğurla mübarizə aparan təbdirləri xatırladır:
· sayt dəstəyini analoji insident hallarında nə tətbiq etmək lazım olduğunu bilən mütəxəssislərə etibar etmək;
· internet provayderləri də daxil olmaqla, təchizatçılarla razılaşmaları və əlaqə məlumatlarını diqqətlə yoxlamaq. Bu, komandaya hücum anında lazımi məlumatları tez əldə etməyə kömək edər;
· DdoS-dan müdafiə üçün ixstisaslaşmış korporativ həllər tətbiq etmək. Məsələn, Kaspersky DDoS Protection real vaxt rejimində trafikin monitorinqini təmin edir və istənilən həcmdə hücumu effektiv şəkildə dəf edir.
2021-ci ilin birinci rübündə qeydə alınmış DDoS hücumların haqqında hesabatın tam versiyasını buradan oxumaq olar: https://securelist.ru/ddos-attacks-in-q1-2021/101390/
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
AccessBank Əmlakın qiymətləndirməsi üzrə tender elan edir
Azpetrol şirkəti Laçın rayonunda Modul tipli YDM istifadəyə verdi
AccessBank QSC PAM (privileged account monitoring tool) alışı üzrə tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət