Mikro, kiçik və orta sahibkarlığın kreditləşməsi bazarının lideri olan AccessBank, 2023-cü ilin 1-ci rübü üzrə maliyyə nəticələrini açıqlayır.
Ətraflı məlumat əldə etmək üçün: https://www.accessbank.az/az/our-bank/in-figures/
Bank, 2023-cü ilin 1-ci rübü ərzində də bütün əsas göstəricilər üzrə dinamik artım nümayiş etdirib, biznesin maliyyələşdirilməsində liderlik mövqeyini qoruyub.
- Kredit portfeli rüb ərzində 7.9% artaraq, 877.9 milyon manata yüksəlib.
- Kredit portfelinin 76.8%-ni biznesə ayrılmış kreditlər təşkil edir. Rüb ərzində biznes portfeli 6.3% və ya 40.0 milyon manat artıb. Rüb ərzində verilmiş biznes kreditlərinin 50.9%-i regionların payına düşür.
AccessBank-ın mənfəətlilik göstəriciləri də proqressiv artım nümayiş etdirib. Belə ki, ötən ilin müvafiq dövrü ilə müqayisədə:
- Faiz gəlirləri 39.1% artaraq, 42.7 milyon manata çatıb. Xalis faiz gəlirləri isə 49.4% artıb və 26.1 milyon manata yüksəlib.
- Qeyri-faiz gəlirləri 1.4 dəfə artaraq, 4.2 milyon manatı ötüb.
- Xalis əməliyyat mənfəəti 3.5 dəfə artaraq, 10.6 milyon manata çatıb.
- Xalis mənfəəti də 2022-ci ilin müvafiq dövrünün nəticəsi ilə müqayisədə 5.8 dəfə artaraq 5.5 milyon manata çatıb.
Bütövlükdə, Bankın aktivləri rüb ərzində 7.8% artaraq, hesabat dövrünün sonunda 1.3 milyard manata çatıb.
- Eyni zamanda, bankın likvid aktivləri 274.5 milyon manat təşkil edir ki, bu da cəmi aktivlərin 21.8%-i həcmindədir.
- Depozit portfeli rüb ərzində 10.3% artıb və l rübün sonuna 948.8 milyon manat təşkil edir.
- Əhalinin müddətli əmanətləri rüb ərzində 5.1% artaraq, 627.5 milyon manata çatıb.
AccesBankın kapital buferi də böyüyüb. Rüb ərzində məcmu kapitalın həcmi 6.4% və ya 6.5 milyon manat artaraq 107.6 milyon manata çatıb ki, bu da AMB-ın tələb etdiyi minimum normadan 2 dəfə artıqdır.
Keyfiyyətli xidmət, sürətli kreditləşmə Bankın müştəri bazasının daha da genişlənməsini təşviq edir. Hesabat dövrünə cəmi müştərilərin sayı 535 minə yüksəlib.
AccessBank-ın İdarə Heyətinin sədri Davit Tsiklauri bankın rüblük göstəricilərini şərh edib:” Komandamızın davamlı və güclü fəaliyyətini görməyə şadıq. Bank strategiyasını yerinə yetirmək üzrə tam gücü ilə işləyir və biz bütün biznes seqmentlərimizdə artım görməkdən çox məmnunuq.”
AccessBank Azərbaycanda mikromaliyyələşdirmə lideri olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası və digər beynəlxalq maliyyə təşkilatları və investisiya fondları yer alır. Bankın 15-i Bakıda, 16-sı bölgələrdə olmaqla, 31 filialı fəaliyyət göstərir.
Bankın xidmətləri haqqında məlumat əldə etmək üçün 151 əlaqə mərkəzinə zəng etmək, həmçinin www.accessbank.az saytına, və ya bankın sosial şəbəkələrdə (Facebook, Instagram, LinkedIn) hesablarına daxil olmaq olar.
*AccessBank QSC xidmətlərini Azərbaycan Respublikası Mərkəzi Bankı tərəfindən verilmiş 25 Oktyabr 2002-ci il tarixli, 245 nömrəli lisenziya əsasında təqdim edir və Bakı şəhəri, Yasamal rayonu, Tbilisi prospekti 3 ünvanında yerləşir.
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
AccessBank Əmlakın qiymətləndirməsi üzrə tender elan edir
Azpetrol şirkəti Laçın rayonunda Modul tipli YDM istifadəyə verdi
AccessBank QSC PAM (privileged account monitoring tool) alışı üzrə tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət