Azərbaycan prezidenti Ilham Əliyev Vətəndaşlara Xidmət və Sosial İnnovasiyalar üzrə Dövlət Agentliyinin (ASAN) fəaliyyətindəki nailiyyətləri qeyd edir.

“ASAN xidmətdə” 2 mindən artıq gəncin böyük təcrübə toplaması faktı ölkədə yaxşı nəslin formalaşmasının göstəricisidir. Siz Azərbaycanın ümumi inkiafına töhfə verirsiniz”, - deyə dövlət başçısı ASAN Könüllülərinin I Ümumrespublika Forumunun açılışında çıxışı zamanı bəyan edib.

“ASAN xidmət”in təxminən iki il əvvəl yaradılmasını xatırladaraq, İ.Əliyev vurğulayıb ki, “bu dövr ərzində xidmət böyük və uğurlu yol keçib”.

“Xidmətə 3,5 mln. müraciət daxil olub. Təxminən 3 milyon vətəndaşa müxtəlif sənədlər verilib. Bu ictimai xidmətlər sahəsində ciddi dönüş nöqtəsidir”, - deyə o əlavə edib ki, dünyanın heç bir yerində buna bənzər struktur yoxdur.

Dövlət başçısı qeyd edib ki, bu gün respublikanın digər regionlarında “ASAN xidmət” şöbələrinin açılması üzrə işlər davam etdirilir. O qeyd edib ki. beynəlxalq təşkilatlar xidmətin fəaliyyətini yüksək qiymətləndirilər və Azərbaycan bu layihənin digər ölkələrdə tətbiqinə yardım etməyə hazırdır.

İ.Əliyevin sözlərinə görə, “ASAN xidmət”in yaradılması korrupsiyanın aradan qaldırılması üzrə ən təsirli addımlardan biridir.

F.İsazadə