“Bank VTB (Azərbaycan)” ASC 2015-ci ildə kredit portfelini ikiqat artırmaq niyyətindədir. Bu barədə bankın İdarə Heyətinin sədri Yuri Yakovlev cümə axşamı “İnterfaks-Azərbaycan” agentliyinin mətbuat mərkəzində keçirdiyi mətbuat konfransında çıxışı zamanı məlumat verib.
“Hazırda bankın kredit portfeli 300 mln. manata yaxındır. 2015-ci ildə biz filial şəbəkəsini 20 satış nöqtəsinə qədər genişləndirmək niyyətindəyik (hazırda 13 satış nöqtəsi var -İF-Az) ki, bu da bizə kredit portfelinin həcmini artırmağa kömək edəcək”, - deyə Y.Yakovlev bildirib.
Kredit portfelinin ikiqat artırılması “Bank VTB (Azərbaycan)” ASC-yə kreditləşmənin həcminə görə Azərbaycanın ən böyük banklarının onluğuna daxil olmağa imkan verəcək.
Hazırda bankın müştərilərinin ümumi sayı 24,265 min təşkil edir ki, onlardan 479-u hüquqi şəxs, 23,785 mini fiziki şəxsdir.
Bankın pərakəndə kredit üzrə orta illik faiz dərəcələri 20-22%, kiçik və orta müəssisələr üzrə 12-14%, ipoteka kreditlər üzrə 12% təşkil edir.
Problemli kreditlərin payı 3%-dən aşağı sviyyədədir.
“İpoteka bizim üçün yeni məhsuldur. 2014-cü ilin I yarısında biz bu bazarı öyrənmişik, iyul ayından etibarən sınaq rejimində işləməyə başlamışıq. İlkin nəticələr göstərir ki, Azərbaycanda ipotekanın çox yaxşı perspektivləri var. Birinci mərhələdə biz təcrübə toplayacaq və biznesimizin həcmini genişləndirəcəyik. Bu mərhələdə biz ilk növbədə layihələrini maliyyələşdirdiyimiz tikinti şirkətləri və developerlərlə əməkdaşlıq edəcəyik. Hazırda ipoteka krediti üzrə portfel 10 mln. manat təşkil edir. Hesab edirəm ki, gələn il bu həcmi iki və ya üçqat artıracağıq”,- deyə Y.Yakovlev bildirib.
Onun sözlərinə görə, bank gələn ilin sonuna qədər kredit portfelini 2-3 dəfə artırmağı planlaşdırır. 2014-cü il dekabrın 1-nə bankın depozit portfeli 20 mln. manat təşkil edir.
Azərbaycan Mərkəzi Bankı 2009-cu ilin mart ayında “Bank VTB (Azerbaijan)" ASC -yə bank fəaliyyəti üçün lisenziya verib. Bankın səhmdarları strukturunda səhmlərin 51%-i “Bank VTB” ASC-yə, 48,99%-i “AtaHolding” şirkətlər qrupuna, 0,01%-i fiziki şəxsə məxsusdur.
A.Axundov
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
«Nar» Azərbaycanın bölgələrində İKT peşəkarlarını hazırlayır
Bakcell-in ölkə miqyaslı rebrendinq tədbiri Laçında yekunlaşdı
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət