Milli Məclisin bu gün keçirilən plenar iclasında “Azəri”, “Çıraq” yataqlarının və “Günəşli” yatağının dərinlikdə yerləşən hissəsinin işlənmə müddətinin 2050-ci ilədək uzadılması haqqında müqavilə təsdiq edilib. Bu barədə “İnterfaks-Azərbaycan” agentliyinin müxbiri xəbər verir.
Parlamentin vitse-spikeri Valeh Ələsgərov yenilənmiş müqavilənin şərtlərini təqdim edərək bildirib ki, “Azəri-Çıraq-Günəşli” yataqlar blokunda çıxarıla bilən neft ehtiyatlarının həcmi 500 mln. tona yaxındır. “Əminəm ki, işlər yerinə yetirildikcə, bu rəqəm daha çox olacaq. Kontrakt sahəsində qalan neft ehtiyatlarını hasil etmək üçün $33 mlrd.-dan artıq vəsait tələb olunur”, - deyə o qeyd edib.
Vitse-spikerin sözlərinə görə, yeni sazişdə SOCAR-ın iştirak payı 25%, xarici şirkətlərin payı isə 75% təşkil edir. Bu saziş 2049-cu il dekabrın 31-dək qüvvədə olacaq.
V.Ələsgərov əlavə edib ki, podratçı şirkətlər tərəfindən ödəniləcək bonus $3,6 mlrd. təşkil edəcək. İllik 8 bərabər hissələrlə, yəni hər il $450 mln. bonus ödəniləcək.
"Layihə üzrə xərclər standart sxem üzrə ödəniləcək. İlk növbədə istismar xərclərinin ödənilməsi nəzərdə tutulub. Daha sonra hasil olunmuş neftin qalan həcminin 50%-i əsaslı xərclərin ödənilməsinə yönəldiləcək, qalan neft isə SOCAR və onun layihə üzrə tərəfdaşları arasında bölünəcək (75% (SOCAR) və 25% (tərəfdaşlar))", - deyə o vurğulayıb.
V.Ələsgərov deyib ki, səmt qazı Azərbaycana əvvəlki şərtlərlə veriləcək. "Müqavilə sahəsində kəşfiyyat işlərinin gedişində yeni təbii qaz yataqları aşkarlanarsa, bu yataqları işləmək hüququ yalnız SOCAR-a aiddir. Bilirik ki, bu ərazidə belə yataqlar mövcuddur. Buna görə müqavilədə onların işlənməsi hüququnun SOCAR-a aid olması qeyd edilir», - deyə vitse-spiker əlavə edib.
“Azəri”, “Çıraq” yataqlarının və “Günəşli” yatağının dərinsulu hissəsinin işlənməsi haqqında müqavilə 1994-cü il sentyabrın 20-də imzalanıb və elə həmin ilin dekabrın 12-də qüvvəyə minib. Blokda neft hasilatına 1997-ci ilin noyabr ayında başlanılıb.
Müqavilənin müddəti 2024-cü ildə başa çatmalı olsa da, 2017-ci il sentyabrın 14-də Bakıda AÇG blokunun 2050-ci ilədək işlənməsi haqqında yeni müqavilə imzalanıb.
Yeni müqaviləyə əsasən BP şirkəti (layihənin operatoru) 30,37%, SOCAR 25%, “Chevron” 9,57%, “ExxonMobil” 6,79%, ONGC 2,31%, “Inpex Corp.” 9,31%, ITOCHU Oil 3,65%, “Statoil” 7,27%, TPAO 5,73% paya sahib olacaq.
Yeni saziş çərçivəsində 2017-2049-cu illərdə investisiya qoyuluşları $40 mlrd. həcmində qiymətləndirilir və 500 mln. tondan çox neft hasil olunacağı nəzərdə tutulur.*
N.Abbasova, R.Babayev
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət