Azərbaycan Prezidenti Administrasiyasının sektor müdiri Fuad Axundov “Dojd” telekanalının “Burada və indi” («Здесь и сейчас») verilişinin efirində Şuşa şəhərinin erməni işğalından azad olunması ətrafında vəziyyəti şərh edib.
Veriliş zamanı İrəvandan olan politoloq inadla Şuşanın, əvvəlki kimi, erməni hərbçilərinin nəzarətində olduğunu iddia edirdi.
Buna cavab olaraq Axundov vurğulayıb ki, öncə erməni tərəfi işğaldan azad olunan Füzuli, Hadrut və digər şəhər və yaşayış məntəqələri barədə bunu bəyan edirdi, lakin yalnız dördüncü gün ermənilər etiraf etdilər ki, bu şəhər və kəndlər Azərbaycan Silahlı Qüvvələrinin nəzarəti altına keçib. Bu barədə “İnterfaks-Azərbaycan” məlumat verir.
“Bu barədə hətta bir erməni vətəndaşı olan xanım hiddətlə yazaraq Ermənistan hökumətindən yalan danışmamağı və vaxtında şəhərlərin itirilməsini etiraf etməyi tələb etmişdi. Buna görə, bu ənənəyə əsasən, əminəm ki, ermənilər hələ bir neçə gün Şuşanın itirilməsini inkar edəcəklər, bu faktı artıq gizlətmək mümkün olmadığı zaman isə “taktiki geri çəkilmə” terminindən istifadə edəcəklər. Yeri gəlmişkən, hətta Fransanın Le Monde nəşrinin jurnalisti hələ dünən yazıb ki, Şuşa “itirilib”. Nəşr Şuşadan gələn çoxsaylı yaralı erməni hərbçilərinə istinadən bu barədə məlumat verib, lakin buna baxmayaraq, ermənilər bunun əksini iddia etməyə davam edirlər. Şuşa bizdədir və mən sizi əmin edirəm ki, artıq orada heç vaxt xarici işğalçı qoşunlar olmayacaq”, - Axundov bildirib.
Həmçinin, sektor müdiri hesab edir ki, hazırda Dağlıq Qarabağ münaqişəsi zonasında baş verənlər “Azərbaycanın Ermənistanda nasizm üzərində qələbəsinin qanunauyğun nəticəsidir”.
Axundov əlavə edib ki, prezidentlər Robert Koçaryan və Serj Sarqsyan, baş nazir Nikol Paşinyan daxil olmaqla, Ermənistanın bir çox rəhbərləri müxtəlif nasist bəyanatlar və hərəkətləri ilə fəqrləniblər. “Mən erməni xalqına çox hörmət edirəm, o, həqiqətən başıbəlalıdır və nasist rəhbərlərdən çox əziyyət çəkib, yəni nasizmin qurbanıdır. Azərbaycanda olan ermənilərə görə narahat olmağa dəyməz, yaxşısı budur, siz Ermənistandakı ermənilərə görə narahat olasınız. Ermənistan prezidenti (Sarqsyan - İF) etiraf edəndə ki, qadınları, uşaqları, qocaları qətlə yetirib, o zaman bu gün baş verənlər qanunauyğun nəticədir. Biz Azərbaycanın xarici müdaxiləçilərdən, Ermənistan Respublikasının ordusundan azad etmə əməliyyatını başa çatdıracağıq. Lakin rəhbərlərinin nasizm ideologiyasından əziyyət çəkən erməni xalqının gələcəyi bizi narahat edir, çünki biz həmin xalq ilə qonşuluqda yaşamalıyıq”, - Azərbaycan Prezidenti Administrasiyasının nümayəndəsi vurğulayıb. **
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bakcell Fəvvarələr Meydanında yeni innovativ mağazasını təqdim etdi!
Yelo Bank “Summer Challenge 2024” təcrübə proqramını elan edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət