Azərbaycanın xarici işlər naziri Ceyhun Bayramov və İsrail prezidenti İshak Hersoq Bakı ilə Tel-Əviv arasında təhlükəsizlik, iqtisadiyyat, təhsil, mədəniyyət və innovasiyalar sahələrində əməkdaşlığı müzakirə ediblər. Bu barədə Azərbaycan XİN-dən məlumat verilir.

“Görüş zamanı Azərbaycanla İsrail arasında ikitərəfli və çoxtərəfli əməkdaşlıq gündəliyinin aktual məsələləri, o cümlədən, iqtisadi, təhlükəsizlik, mədəniyyət, təhsil, innovasilar sahələrinə dair fikir mübadiləsi aparılıb”, - XİN cümə axşamı Twitter hesabında məlumat verib.

Həmçinin, XİN-dən qeyd olunur ki, Azərbaycan XİN başçısı İsrail prtezidentini post-münaqişə dövründə Cənubi Qafqaz regionunda mövcud vəziyyət, Ermənistan tərəfindən törədilən hərbi-siyasi təxribatlar, öz öhdəliklərindən boyun qaçırması barədə ətraflı məlumatlandırıb.

Öz növbəsində, Bayramov Twitter hesabında yazıb ki, görüş zamanı Bakı və Tel-Əvivin mövcud ikitərəfli və çoxtərəfli əməkdaşlıq səviyyəsindən məmnunluq ifadə edilib. **

R.Kərimov