Caspian Energy jurnalının yekun nömrəsində Azərbaycanın regionlarının genişləndirilmiş investisiya reytinqi dərc olunacaq. Qeyd olunan reytinq bir neçə il ərzində Caspian European Club-un Sədri, Azərbaycan Respublikasının Prezidenti İlham Əliyev üçün hazırlanıb və ötən ildən etibarən bu investisiya reytinqi Caspian Energy jurnalının yekun nömrəsində çap olunur. Bu barədə Caspian European Club-un sədrinin birinci müavini Telman Əliyev məlumat verib.
Onun sözlərinə görə, reytinqdə Azərbaycanın 65 rayon və şəhəri üzrə iqtisadi göstəricilər və investisiya nəticələri qiymətləndirilib. Ermənistan tərəfindən işğal olunmuş rayonlar üzrə statistikanı təqdim etmək mümkün olmadığından onlarla müqayisə aparılmamışdır. İşğal faktı ayrıca qeyd olunmuşdur ki, bu da jurnalın geniş beynəlxalq oxucu auditoriyasına həmin mühüm problemi çatdırmağa imkan yaradacaq.
18 parametr üzrə sıralanmış regionlar 6 qrupa bölünüb – sosial-demoqrafik xarakteristika, sosial-iqtisadi vəziyyət, işgüzar mühit, infrastruktur, rifahlıq və kənd təsərrüfatı.
“Caspian Energy jurnalının bu nömrəsi dünyanın 70 ölkəsinin dövlət və hökumət başçılarına, həmçinin dövlət və transmilli şirkətlərin, aparıcı beynəlxalq analitik mərkəzlərin, investisiya təşkilatlarının və reytinqli agentliklərin rəhbərlərinə təqdim olunacaq”, - deyə Telman Əliyev qeyd edib.
O bildirib ki, 2017-ci ilin investisiya reytinqi ilə yanaşı, jurnalda bu regionlarda fəal çalışan müəssisə rəhbərlərinin məqalə və müsahibələri dərc olunacaq.
“Təşəbbüsümüzü dəstəkləyən, fəaliyyət göstərdikləri şəhər və rayonlatın reytinqinin dərc olunduğu səhifənin qarşısında öz müəssisələrinin reklamlarını yerləşdirməyə razılıq verdikləri üçün bütün şirkətlərə təşəkkür edirik. Biz bu nəşrimizin səhifələrində yer almaq istəyən yeni şirkətlərlə əməkdaşlığa hazırıq”, - deyə Telman Əliyev vurğulayıb.
O qeyd edib ki, jurnalın sözügedən buraxılışında dərcolunmuş hər bir məqalə və müsahibə Azərbaycanın regionlarının inkişafı üçün uzunmüddətli investisiyaların cəlb olunmasına əlavə təkan verə və potensiallı partnyorların axtarışına, eləcə də Azərbaycanda istehsal olunan məhsul və xidmət istehlakçılarının axtarışına yardım edə biləcək.
Telman Əliyev eyni zamanda 2016-cı və 2017-ci illər Azərbaycanın iqtisadi regionlarının müqayisəli reytinqinin də dərc olunacağını söyləyib. “Jurnalın sözügedən nömrəsini əldə etmək istəyən hər kəs rating@caspianenergy.org elektron ünvanı vasitəsilə Caspian Energy-nin redaksiyasına müraciət edə bilər”, - deyə o əlavə edib.
Telman Əliyev xatırladıb ki,Caspian Energy-nin 2016-cı ildəki yekun buraxılışında dərc edilmiş iqtisadi regionların investisiya reytinqi Azərbaycan Respublikasının Prezidenti, Caspian European Club-un Sədri İlham Əliyevin rəhbərliyi ilə ölkədə həyata keçirilən iqtisadi islahatların və regionların sosial siyasətinin ilkin nəticələrini göstərdi. Ən yüksək ümumi bal toplamış lider region o zaman Gəncə-Qazax iqtisadi rayonu oldu. Təqdirəlayiq haldır ki, Aran iqtisadi regionu kənd təsərrüfatı sahəsində hər bir parametr üzrə bütün göstəricilərə görə üstünlük qazanaraq birinci yeri tutdu.
Caspian Energy dünyanın 70 ölkəsində yayılır. 18 il ərzində jurnalda dünyanın müxtəlif dövlətlərinin prezident və baş nazirlərinin, həmçinin nüfuzlu beynəlxalq təşkilat və nəhəng transmilli şirkət başçılarının müsahibələri, aparıcı ekspertlərin icmal və analitik materialları çap olunur. Müxtəlif qiymətləndirmələrə görə, Caspian Energy jurnalı Xəzər-Qara dəniz və Baltik regionlarının aparıcı nəşrləri beşliyinə daxil olub, həmin regionlarda fəaliyyətin müəyyən edilməsində əksər sərmayəçilər üçün istiqamətləndirici rol oynayır.
Əlavə məlumat üçün:
E-mail: rating@caspianenergy.org
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət