Aviasiya və Hava Məkanından İstifadə üzrə Dövlətlərarası Şuranın 36-cı sessiyası keçirilmişdir. Sessiya təşkilatın Bakı şəhərində yerləşən qərargahında baş tutmuşdur. İclasda praktiki olaraq Regionun bütün ölkələrindən nümayəndələr iştirak etmişlər.
Sessiyanı Şuranın rəhbəri, professor Tatyana Anodina açmışdır. Xanım Anodina Azərbaycan Respublikasının Prezidenti cənab İlham Əliyevə, Azərbaycan hökümətinə, ölkənin aviasiya hakimiyyətinə və AZAL QSC-yə Bakı şəhərində Şuranın və onun aparatının işi üçün şəraitin yaradılmasına və qurumun beynəlxalq fəaliyyətinə dəstəyə görə təşəkkürünü bildirmişdir.
Xanım Anodina İCAO Assambleyasının 39-cu sessiyasının qərarlarının yerinə yetirilməsi, İCAO-DAK (Monreal, 2016-cı il) layihəsinin müddətsiz sazişinin, İATA ilə sazişlərin və təşkilatın 90-dan çox mövcud beynəlxalq sazişlərinin həyata keçirilməsi üzrə Dövlətlərarası Şura/DAK-ın işin yekunları və fəaliyyətinin daha da təkmilləşdirilməsi barədə məruzəni təqdim etmişdir. Xanım Anodina Regionda mülki aviasiya sahəsində və dünya aviasiyasında təhlükəsizlik sahəsində əməkdaşlığın gələcək inkişafı üzrə 2018-ci ilin fevral ayında İATA-nın baş direktoru A. de Jünyak ilə keçirilən danışıqların nəticələri barədə məlumat vermişdir.
Azərbaycan Respublikasının Rabitə, Nəqliyyat və Yüksək Texnologiyalar Naziri Ramin Quluzadə və AZAL QSC-nin rəhbəri, Dövlətlərarası Şurasının Birinci vitse-prezidenti Cahangir Əsgərov iclas iştirakçılarını salamlamışdırlar.
Şuranın sessiyasında geniş əhatəli məsələlər – İCAO-DAK layihəsinin reallaşdırılmasının gedişatı; Regionda mülki aviasiya sahəsində uçuşların təhlükəsizliyinin vəziyyəti; aviasiya qaydaları sisteminin təkmilləşdirilməsi və onların bundan sonra da İCAO-nun standartları və İATA-nın tövsiyələri ilə uyğunlaşdırılması; hava hərəkətinin təşkili və aeronaviqasiya təminatının təkmilləşdirilməsi sahəsində Dövlətlərarası Şura/DAK-ın təşəbbüsləri; hava nəqliyyatı fəaliyyətinin liberallaşdırılması, Sazişə üzv dövlətlərin əhalisi üçün aviasiya xidmətlərinin əlçatanlığının artırılması, İCAO və İATA ilə əməkdaşlıqda aviasiya mütəxəssislərinin hazırlanması üzrə beynəlxalq proqramın həyata keçirilməsi; elmi tədqiqat və ekspert fəaliyyətinin inkişafı, DAK-ın maliyyə auditi, Dövlətlərarası Şuranın və DAK-ın fəaliyyətinin daha da təkmilləşdirilməsi kimi məsələlərə baxılmış və müzakirə olunmuşdur.
Sessiya çərçivəsində uçuşların təhlükəsizliyinin təmin edilməsi, inteqrasiya əməkdaşlığının inkişafı sahəsindəki nailiyyətlərə və yüksək peşəkarlığa görə Sazişə üzv ölkələrin aviasiya müəssisələrinin təntənəli mükafatlandırılma mərasimi keçirilmişdir. Mərasimdə xüsusi yer Mərkəzi Aerohidrodinamika İnstitutunun 100 illiyi ilə əlaqədar mükafatlandırılmasına verilmişdir.
Sessiya iştirakçıları tərəfindən Dövlət Şurası/DAK-ın təşəbbüsləri, ilk növbədə aviasiya hadisələrinin müstəqil araşdırılması və onların qarşısının alınması üzrə tədbirlərin işlənib hazırlanması olmaqla Dövlət Şurası/DAK tərəfindən uçuşların təhlükəsizliyi sahəsində beynəlxalq proqramların həyata keçirilməsi üzrə görülən işlərin vacibliyi sessiya iştirakçıları tərəfindən bəyənilmiş, onlar İCAO, region dövlətləri, İATA və beynəlxalq aviasiya birliyi ilə sıx əməkdaşlıqda fəaliyyətin bu istiqamətlərinin daha da inkişaf etdirilməsinin vacibliyini vurğulamışlar.
Sessiya iştirakçıları İCAO-nun “Heç bir ölkədiqqətdən kənar qalmayacaq” Proqramı və İATA-nın "Təhlükəsizlik naminə Tərəfdaşlıq" Proqramına sadiq olduqlarını təsdiq etmişlər.
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət