Türkiyə Prezidenti Rəcəb Tayyib Ərdoğanın Azərbaycan ərazisində Türkiyə hərbi bazasının yaradılması mümkünlüyünə dair bəyanatı Ankaranın yekun qərarı deyil, lakin ortamüddətli perspektiv üçün planları əks etdirir. Türkiyənin xarici və hərbi siyasət üzrə eksperti Kerim Has belə hesab edir.
“Türkiyə lideri müəyyən ehtiyat nümayiş etdirərək bu planların yekun qərar olduğunu deməyib, çünki regionda qüvvələr balansını, eləcə də Moskva ilə münasibətlərin hazırkı səviyyəsini nəzərə alır. Bununla belə, bu mövqe Türkiyənin siyasi elitası üçün yaxın gələcəkdə olmasa da, ortamüddətli perspektivdə aktual olacaq”, - deyə o, bu gün “İnterfaks”a bildirib.
Ekspertin qiymətləndirməsinə görə, Azərbaycanda Türkiyə hərbi bazası 5 il ərzində yaradıla bilər. “Birmənalı olaraq, baza bir il sonra yaradılmayacaq. Bunun üç-dörd il müddətində baş verəcəyini ehtimal etmək olar, amma ən çox ehtimal olunan variant beş ildən sonradır. Bir çox əlamətlərə görə, söhbət Azərbaycanda Türkiyə aviabazasının yaradılmasından gedə bilər”, - deyə agentliyin müsahibi bildirib.
Has hesab edir ki, hadisələrin bu cür inkişafının reallığı Ankaranın Azərbaycanın siyasi elitalarına təsirinin artması ilə bağlıdır.
Daha əvvəl Ərdoğan Azərbaycan ərazisində Türkiyə hərbi bazasının yaradılmasını istisna etməyib. O qeyd edib ki, belə bir opsiya iyunun 15-də Şuşada Türkiyə və Azərbaycan liderlərinin imzaladıqları Şuşa Bəyannaməsinin bəndlərinin xaricində deyil.
Bəyannaməyə əsasən, Tərəflərdən hər hansı birinin fikrincə, onun müstəqilliyinə, suverenliyinə, ərazi bütövlüyünə, beynəlxalq səviyyədə tanınmış sərhədlərinin toxunulmazlığına və ya təhlükəsizliyinə qarşı üçüncü dövlət və ya dövlətlər tərəfindən təhdid və ya təcavüz edildiyi təqdirdə, Tərəflər birgə məsləhətləşmələr aparacaq və bu təhdid və ya təcavüzün aradan qaldırılması məqsədilə BMT Nizamnaməsinin məqsəd və prinsiplərinə müvafiq təşəbbüs həyata keçirəcək, bir-birinə BMT Nizamnaməsinə uyğun zəruri yardım göstərəcəklər. Bu yardımın həcmi və forması təxirə salınmadan keçirilən müzakirələr yolu ilə müəyyən edilərək birgə tədbirlər görülməsi üçün müdafiə ehtiyaclarının ödənilməsinə qərar veriləcək və Silahlı Qüvvələrin güc və idarəetmə strukturlarının əlaqələndirilmiş fəaliyyəti təşkil olunacaqdır.
Tərəflər iki qardaş ölkənin silahlı qüvvələrinin müasir tələblərə uyğun olaraq yenidən formalaşdırılması və modernləşdirilməsi istiqamətində birgə səy göstərməyə davam edəcəklər.*
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət