Azərbaycanın neft sənayesi əməkdaşlarının orta aylıq pensiya məbləği 347 manat təşkil edir. Bu barədə Dövlət Sosial Müdafiə Fondundan məlumat verilib.

Sentyabrın 20-də Azərbaycanda “Neftçilər Günü” qeyd olunur.

“Hazırda Azərbaycanda neftçilərin orta aylıq pensiya məbləği 347 manat təşkil edir. Bununla yanaşı, neft sənayesində ağır iş şəraiti nəzərə alınaraq bu sahənin əməkdaşları 6 il öncə pensiyaya çıxmaq hüququna malikdirlər”, - deyə məlumatda qeyd olunur.

Ümumilikdə, neft sənayesində çalışmış pensiyaçıların sayı 25 min nəfərdən artıqdır.
Məlumatda vurğulanır ki, SOCAR şirkəti (Azərbaycan Respublikası Dövlət Neft Şirkəti, ARDNŞ) məcburi dövlət sosial sığorta haqqının ödənişinə görə ən iri ayrılmalar ödəyənlərdən biridir. Xüsusilə, 2012-ci ilin 8 ayı ərzində SOCAR DSMF-yə neft sahəsində çalışan sığortaolunanlar üzrə 88,3 mln. manat məcburi dövlət sosial sığorta haqqı ödəyib.