Rusiyada şaxta və donvurma nəticəsində həlak olanların sayı 171-ə qədər artıb. Bu barədə “İnterfaks” agentliyinə çərşənbə axşamı tibb dairələrindən olan mənbə məlumat verib.

Onun sözlərinə görə, donvurma nəticəsində ən çox sayda həlak olanlar Çelyabinsk, Tümen və Altay vilayətlərində olub.

“Ötən sutka ərzində şaxta və donvurma nəticəsində Rusiyanın regionlarında 58 nəfər zərər çəkib. Həlak olanlar yoxdur”, - deyə mənbə bildirib.

Agentliyin müsahibi qeyd edib ki, soyuqlar başlanan dövrdən etibarən şaxta və donvurma nəticəsində 3126 nəfər zərər çəkib, onlardan 147 nəfəri uşaqdır. Zərər çəkən 1701 nəfər, 70-i uşaq olmaqla xəstəxanaya yerləşdirilib”, - deyə o vurğulayıb.

Mənbənin məlumatına əsasən, ötən sutka ərzində 34 nəfər zərər çəkən donvurma nəticəsində xəstəxanaya yerləşdirilib.

“Son bir neçə sutka ərzində donvurmadan ən çox sayda zərər çəkənlər Altay vilayətində, Tatarstanda və Xabarovsk vilayətindədir”, - deyə “İnterfaks” agentliyinin müsahibi bildirib.