Azərbaycan əhalisinin əksəriyyəti respublikada demokratiyanın vəziyyətini müsbət qiymətləndirir. İctimai Rəyin Öyrənilməsi üzrə Avropa Mərkəzinin (the European Centre for Survey Research, UK-ECSR) keçirdiyi sorğunun nəticələri belə deməyə əsas verir.
Sorğuya əsasən, əhalinin təxminən üçdə ikisi ölkədə demokratiyanın vəziyyətindən razıdır. Onlar anketin müvafiq sualını «bəli, qane edir» və ya «əsasən qane edir» deyə cavablandırıblar. Respondentlər hesab edirlər ki, son 10 ildə demokratiya sahəsində vəziyyət yaxşılaşıb, KİV azadlığının səviyyəsi yetərincə yüksək qiymətləndirilib.
Sorğunun nəticələri göstərir ki, Azərbaycan vətəndaşları «demokratiya» anlayışını əsasən fikir müxtəlifliyi (48,0%), azad və ədalətli seçkilər (36,6%), insan hüquq və azadlıqlarının qorunması (30,3%) kimi qəbul edir. Daha sonra isə xalqın hökuməti, şəxsi azadlıq və ləyaqət, qanunun aliliyi (hər biri təxminən 21% səs) prinsipləri gəlir. Demokratiyanın Azərbaycan üçün daha vacib olan elementlərinə isə onlar hamının qanun qarşısında bərabərliyini, söz və mətbuat azadlığını, rəqabətli və ədalətli seçkiləri aid ediblər.
Maraqlıdır ki, respondentlərin xeyli hissəsi (63,4%) ictimai-siyasi həyatda iştirakı dostlarla və yaxınlarla siyasi mövzularda söhbət etmək, həmçinin televiziyada xəbərlərə baxmaq kimi başa düşür. Yənu bu, həmin insanların ictimai-siyasi həyatda iştirakından deyil, daha çox boş vaxtlarını keçirməsindən xəbər verir. Hərçənd görünür, siyasətə belə yanaşma partiyalara qarşı olan skeptik münasibətlərdən irəli gəlir: rəyi soruşulanların 65,6%-i isə ümumiyyətlə özlərini hər hansı bir partiyanın tərəfdarı hesab etmir.
Məlum olub ki, bu seçkilərdə respondentlərin potensial elektoral fəallığı (onların seçkilərdə iştirak edəcəklərini deməsi) yetərincə yüksəkdir (82%-dən çox). Lakin təcrübə göstərir ki, adətən səsverməyə qatılacaqlarını bəyan edənlərlə real olaraq seçki məntəqələrinə üz tutanların sayı fərqlənir (MSK-nın məlumatına görə, ötən seçkilərdə səsvermədə iştirak 70% səviyyəsində olub).
Sorğunun nəticələrinə görə, səslərin əksəriyyətini Azərbaycanın hazırki prezidenti toplayır. Doğrudur, respondentlərin heç də az olmayan bir qismi (11,8%) ümumiyyətlə seçki məntəqələrinə getmək fikrində deyil, daha 3,3% hələ öz seçimini müəyyən etməyib, 7,9% isə bu suala cavab verməkdə çətinlik çəkib (və bu da təbiidir, çünki sorğu keçirilən zaman seçki kampaniyası yenicə başlamışdı). O da maraqlıdır ki, rəyi soruşulanların 2,9%-i heç bir namizədə səs verməyəcəklərini bildirib.
Bəs iştirak faizi nəzərə alınmaqla namizədlərin elektoral reytinqi necədir? Sorğu göstərib ki, seçkiyə qatılanların 88,7%-i öz səsini hazırki prezident İlham Əliyevə verəcək. Demokratik Qüvvələrin Milli Şurasının təmsilçisi Cəmil Həsənlinin 0,6%, müstəqil namizəd Zahid Oruc və Ümid Partiyasının sədri İqbal Ağazadənin - hər birinin 0,3%, Qüdrət Həsənquliyev (Bütöv Azərbaycan Xalq Cəbhəsi Partiyası) və İlyas İsmayılovun (Ədalət Partiyası) - hər birinin 0,2%, Fərəc Quliyev (Milli Dirçəliş Partiyası) və Araz Əlizadənin (Sosial-Demokrat Partiyası) - hər birinin 0,1% səs yığacağı gözlənilir. Başqa sözlə, seçki marafonunda Azərbaycanın hazırki prezidenti İlham Əliyevin qələbə şansları digər namizədlərdən xeyli yuxarıdır.
Vətəndaşların prezident seçkilərində iştirakının motivlərinə gəldikdə isə, məlum olub ki, səsvermədə iştirakı özünün vətəndaşlıq borcu sayan respondentlərin sayı heç də az deyil (59,6%). Seçkilərin nəticələrinə etimad və öz namizədinə səs vermək imkanı ilə bağlı yüksək faizləri də müsbət hal kimi qiymətləndirmək olar.
Azərbaycanda ümumrespublika ictimai rəy sorğusu 11-16 sentyabr 2013-cü ildə keçirib. Tədqiqat «Demokratik dəyərlər, Azərbaycan əhalisinin siyasi və elektoral davranışı: sosioloji təhlil» layihəsi çərçivəsində aparılıb. Sorğuda 42 yaşayış məntəqəsinin yaşı 18-dən yuxarı 1550 sakini iştirak edib.
Sorğu üzbəüz (face-to-face) müsahibə yolu ilə, respondentlərin yaşayış yeri üzrə, standartlaşdırılmış anket əsasında keçirilib. Tədqiqatın əsaslandığı çoxpilləli təsadüfi seçim əhalinin sosial və demoqrafik strukturunu adekvat olaraq əks etdirib. Tədqiqatın nisbi xətası 3 faiz ətrafındadır.
Layihənin rəhbəri İctimai Rəyin Öyrənilməsi üzrə Avropa Mərkəzinin başçısı, Beynəlxalq İctimai Rəyin Öyrənilməsi Assosiasiyiasının (WVSA) prezidenti, Beynəlxalq Siyasi Elmlər Assosiasiyasının (IPSA) vitse-prezidenti Kristian Herpferdir (Christian Haerpfer).
Bu araşdırma «Demokratik dəyərlər, Azərbaycan əhalisinin siyasi və elektoral davranışı: sosioloji təhlil» layihəsinin birinci mərhələsidir. İkinci mərhələ isə ilin sonuna qədər həyata keçiriləcək. Bu, seçki kampaniyasından «əvvəl» və «sonra» seçici rəylərini müqayisə etməyə, həmçinin onların seçki ilə bağlı gözləntilərinin reallıqda nə dərəcədə doğrulduğunu öyrənməyə imkan verəcək. Tədqiqatın nəticəsi olaraq Azərbaycan və ingilis dillərində kitabça nəşr ediləcək və 2014-cü ilin birinci yarısında ictimaiyyətə təqdim olunacaq.
Azərbaycanda prezident seçkiləri oktyabrın 9-da keçiriləcək.
AccessBank Əmlakın qiymətləndirməsi üzrə tender elan edir
Azpetrol şirkəti Laçın rayonunda Modul tipli YDM istifadəyə verdi
AccessBank QSC PAM (privileged account monitoring tool) alışı üzrə tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət