Ukrayna Rusiya prezidentinin Krım Muxtar Respublikasına və Sevastopola səfər faktını ölkənin suverenliyinin kobud şəkildə pozulması hesab edir. Bu barədə Ukraynanın Azərbaycandakı səfirinin müavini Rüstəm Rüstəmov bəyan edib.
“Mayın 9-da Putin işğal edilmiş Krıma səfər edərək hərbi paradı qəbul edib. Bu, Ukraynanın suverenliyinin kobud şəkildə pozulması deməkdir. Krım və Sevastopol Ukrayna ərazisidir və orada Ukrayna qanunları qüvvədədir”, - deyə R.Rüstəmov çərşənbə günü Bakıda mətbuat konfransında bildirib.
O, həmçinin vurğulayıb ki, Ukrayna tərəfindən Rusiya prezidentinə dəvət məktubu göndərilməyib.
“Qeyd etmək istəyirəm ki, belə səfərlərin həyata keçirilməsi üçün beynəlxalq hüquq normaları mövcuddur, səfərlər ev sahibinin dəvəti və ya onunla razılıq əsasında həyata keçirilir. Konkret olaraq bu hadisədə Ukrayna tərəfindən dəvət göndərilməyib və bu səfər Ukrayna ilə razılaşdırılmayıb”,- deyə o qeyd edib.
Diplomat ATƏT missiyasının bu yaxınlarda dərc edilmiş hesabatına istinad edərək bildirib ki, “Rusiya xilaskardan dünya miqyaslı təcavüzkara çevrilib. Hesabatda işğal edilmiş Krım Muxtar Respublikasında ukraynalıların və krım tatarlarının hüquqlarının kobud şəkildə pozulmasndan narahatlıq ifadə olunur.
R.Rüstəmov Donetsk və Luqansk vilayətlərində keçirilən referendumla bağlı bildirib ki, bu referendumlara Rusiya tərəfindən sponsorluq edilib və səsvermədə bu regionların əhalisinin yalnız 10%-i iştirak edib.
“Seçki məntəqələrində məqsədyönlü şəkildə növbələr yaradılmışdı ki, KİV-lərə guya səsvermədə əhalinin böyük hissəsinin iştirak etdiyini nümayiş etdirsinlər”,- deyə o bildirib.
Onun sözlərinə görə, Ukraynada, xüsusən də ölkənin cənub-şərq vilayətlərində sabitliyin pozulması tədbirlərinə uzun müddət hazırlıq gedib.
“Bizim xüsusi xidmət orqanlarımızın əməkdaşları Ukraynada sabitliyin pozulması üçün müəyyən alqoritmlər hazırlamış agentlər şəbəkəsini aşkarlayıblar və Krımın işğalından sonra Luqansk vilayətinin işğalı ssenarisini ələ keçiriblər”, - deyə R.Rüstəmov bildirib və əlavə edib ki, bir sıra sənədlər internet saytlarında dərc edilib.
F.İsazadə
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
TuranBank Habib American Bank-da ABŞ dollarında müxbir hesab açıb
Dünyanın ən məşhur idman və əyləncə kanalları indi “CityNet”də!
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət