Azərbaycan Sığortaçılar Assosiasiyası (ASA) vətəndaşların fərdi yaşayış evlərinin könüllü sığortalanması sahəsində mövcud problemləri müzakirə edib. Bu barədə ASA-nın məlumatında qeyd edilir.
Könüllü sığortalar üzrə Komitənin iclasında vətəndaşların əmlakının könüllü sığortalanması sahəsində problemlər müzakirə edilib. Komitənin iclasında 14 sığorta şirkətinin nümayəndələri iştirak edib.
İclas zamanı qeyd edilib ki, Bakının ayrı-ayrı hissələrində fərdi yaşayış evlərinin tikintisi müstəqil formada həyata keçirilir və tikinti normalarına hər zaman əməl olunmur. Bundan başqa, bu cür evlər sürüşmə zonalarına yaxın və yaxud qrunt sularının yer səthinə yaxın olduğu ərazilərdə tikilir, bu isə sığorta risklərini artırır.
Məlumatda vurğulanır ki, hazırda bir neçə sığorta şirkəti bu sahədə müəyyən problemlərlə üzləşib. Xüsusilə sığorta şirkətlərindən bir neçəsinin sığortaladığı 5 evdə keyfiyyətlə bağlı problemlər ortaya çıxıb. Bundan başqa, bu cür problemlər həmin ərazidə yerləşən, lakin sığorta olunmayan fərdi evlərdə də yarana bilər.
“İclasda bu cür problemlərin həlli yolları müzakirə olunub, Bakıda tikintiyə nəzarətin gücləndirilməsinə dair müxtəlif təkliflər irəli sürülüb. Bundan başqa, komitə üzvləri könüllü sığorta növləri ilə bağlı mövcud vəziyyəti və onların inkişaf etdirilməsi üçün zəruri tədbirləri müzakirə ediblər”, - deyə məlumatda qeyd edilir.
ASA 2006-cı ilin dekabr ayında yaradılıb. Onun yaradılmasında əsas məqsəd ölkənin sığorta bazarının inkişafının təmin edilməsi, sığorta bazarının problemləri və perspektivlərinin müzakirəsi zamanı sığorta şirkətlərinin vahid cəbhədən çıxış etməsidir.
A.Əzizov
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank-dan ev təmiri üçün illik 9.5% ilə nağd pul krediti
«Nar» komandası «Breyn Rinq» yarışının qalibi oldu
AccessBank yenilənmiş konseptli “20 yanvar” filialını istifadəyə verdi
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət