1918-ci ildə Azərbaycanda ermənilərin müsəlman əhalisinə qarşı törətdiyi soyqırımının təxminən 125 min nəfər qurbanı olub. Bu barədə Azərbaycan Milli Elmlər Akademiyasının aparıcı elmi işçisi, dosent Vasif Qafarov “Uydurma “1915-ci il erməni soyqırımı”ndan Xocalı faciəsinədək: 100 ilin yalanları və faciələri” mövzusunda konfransda bəyan edib.
"Bu gün bütün dünya qondarma soyqırımı beynəlxalq ictimaiyyətə qəbul etdirməyə çalışan ermənilərin yalan təbliğatının arxasınca gedir. Əslində isə həqiqi soyqırım məhz dəfələrlə ermənilər tərəfindən türk xalqlarına qarşı törədilib", - deyə o, hakim Yeni Azərbaycan Partiyasının təşkil etdiyi tədbirdə vurğulayıb.
Onun sözlərinə görə, ən çox sayda qurban 1918-ci ildə ermənilər tərəfindən Azərbaycanın 6 regionunda müsəlman əhalisinin qanlı qırğını zamanı qeydə alınıb.
“1918-ci ildə Azərbaycanın 6 regionunda quldurlar tərəfindən əksəriyyəti azərbaycanlıların olduğu 124 min 236 nəfər məhv edilib. Ölkəyə 9 mlrd. 235 mln. rubl ziyan dəyib, bu isə indiki pulla $324 mlrd. edir”, - deyə dosent qeyd edib.
V.Qafarov vurğulayıb ki, ermənilər təkcə 1918-ci ilin mart ayında üç gün ərzində Bakıdan 12 min azərbaycanlı öldürüblər.
“Həmin günlərdə Bakıya dəymiş maddi ziyan 1,2 mlrd. rubl təşkil edib.
Həmin günlərdə Britaniyanın Bakıdakı konsulu Londona məlumatında yazırdı ki, 20 min azərbaycanlı məhv edilib. İranın konsulu ölkəsinin rəhbərliyinə rəsmi məktubda başqa rəqəmlərdən istifadə edib. Erməni quldurlarının Bakının müsəlman əhalisinə qarşı törətdikləri soyqırımın qurbanları o qədər çox olub ki, müxtəlif mənbələr vahid rəqəmlə bağlı ortaq məxrəcə gələ bilməyiblər”, - deyə Tarix İnstitututunun əməkdaşı bildirib.
Onun sözlərinə görə, 1918-ci ilin mart hadisələri zamanı ermənilər Şamaxı regionunda 111 kənddən 105-ni yandırıblar, o cümlədən Şamaxının özündə 8-10 min azərbaycanlı daxil olmaqla, 22 min 295 müsəlman məhv edilib. Vurulan ziyanın həcmi 1,6 mlrd. rubl təşkil edib.
“Müsəlman əhalisinə qarşı soyqırımın törədilməsində məhz ermənilər günahkardır. Buna baxmayaraq, onlar bəyan edirlər ki, erməni xalqının nümayəndələri Azərbaycanda qırğına məruz qalıblar. Ancaq bunu sübut etmək üçün ermənilər heç bir sənəd və abidə təqdim edə bilmirlər. Biz isə 1918-ci ildə Şamaxı regionunda ermənilər tərəfindən öldürülən 22 min 295 nəfər azərbaycanlının adlarını və yaşadıqları yerlər haqqında məlumat əqdim edə bilərik”, - deyə V.Qafarov qeyd edib.
O, bütün dünyanın buna göz yummasına və tarixi faktları kobud şəkildə saxtalaşdıran Ermənistanı dəstəkləməsinə görə təəssüfünü bildirib. Bununla belə, dosent vurğulayıb ki, qondarma “erməni soyqırımı”nın tanınmasını dəstəkləyən dövlətlərin əksəriyyəti bəşəriyyət tarixində dəfələrlə işğal etdikləri ölkələrin əhalisinə qarşı soyqırımları törədiblər.
R.Babayev
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
TuranBank Habib American Bank-da ABŞ dollarında müxbir hesab açıb
Dünyanın ən məşhur idman və əyləncə kanalları indi “CityNet”də!
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət