2015-ci ildə hərbi prokurorluq orqanları tərəfindən bir çox ağır, mürəkkəb və çoxepizodlu cinayət işlərinin istintaqı tamamlanıb. Bu barədə Azərbaycanın hərbi prokuroru, ədliyyə general-leytenantı Xanlar Vəliyev bildirib.

“Cinayət törətmiş şəxslərin əməlləri nəticəsində dövlətə vurulmuş 790 min 503 manat məbləğində maddi ziyanın istintaq zamanı ödənilməsi təmin edilib” - deyə X.Vəliyev Hərbi Prokurorluqda keçirilən kollegiya iclasında qeyd edib.

Onun sözlərinə görə, ötən il hərbi prokurorluq orqanları tərəfindən axtarışda olanlardan 66 nəfər tapılıb istintaqa cəlb edilib.

Hərbi prokuror bildirib ki, təhqiqat orqanlarının fəaliyyətində qanunların icrasına nəzarət qaydasında 136 yoxlama keçirilib, nəticədə 2191 qanun pozuntusu aşkar edilib.

Bu faktlarla bağlı 44 cinayət işi başlanıb, 227 nəfərə xəbərdarlıq edilib.

R.Babayev