30 avqust 2016-cı il tarixində Bakı Fond Birjasında (BFB) Maliyyə Nazirliyinin 10 mln. manat həcmində qısamüddətli dövlət istiqrazlarının (DQİ) yerləşdirilməsi üzrə hərrac keçirilib. Bu barədə BFB-nin məlumatında deyilir.

Hərrac zamanı 8 investor tərəfindən 15 sifariş təqdim olunub. Sifarişlərin nominal üzrə ümumi məbləği 33 mln. 714,5 min manat təşkil edib. Sifarişlər 96,4427 manat (14,9999%) və 98,4029 manat (6,6002%) qiymət intervalında təqdim edilib.

Hərracın yekunları üzrə bağlanılmış əqdlərin minimum qiyməti 97.6234 manat (9.9001%), orta ölçülmüş qiyməti 97.7580 manat (9.3265%) təşkil edib.

Bağlanılmış əqdlər üzrə hesablaşmalar T+1 rejimində həyata keçirilib.

İstiqrazların tədavül müddəti 91 gün, ödəmə tarixi 29.11.2016-cı ildir.*

N.Abbasova