Bakı Ali Neft Məktəbinin (BANM) Neft-qaz mühəndisliyi ixtisası üzrə III və IV kursda təhsil alan 7 tələbəsi “SOCAR UPSTREAM Management International MMC” şirkəti tərəfindən sertifikat və mükafatlarla təltif olunublar. Tələbələr bu ilin yayında sözügedən şirkətdə istehsalat təcrübəsində olduqları müddətdə yüksək səviyyəli bilik və bacarıq nümayiş etdirdiklərinə görə təltif olunublar.
Tədbirdə çıxış edən BANM-in rektoru Elmar Qasımov Ali Məktəbin tələbələri üçün yaradılan şəraitdən söz açaraq bildirib ki, bütün beynəlxalq şirkətlərlə, o cümlədən SOCAR və onun müəssisələri ilə əməkdaşlığı çərçivəsində hər il BANM-in tələbələri istehsalat təcrübəsi keçmək üçün müxtəlif müəssisələrə göndərilirlər. Həm ödənişsiz, həm də ödənişli əsaslarla təcrübə keçən tələbələr üçün şirkətlərdə yaradılan şəraitdən razılıq ifadə edən rektor tələbələrin bu müəssisələrdə özlərini doğrultmalarından məmnun olduğunu bildirdi. BANM-in məzunlarının yüksək ixtisaslı, ingilisdilli mütəxəssis kadrlar kimi formalaşmasında onların Ali Məktəbin professor-müəllim heyəti tərəfindən verilən yüksək səviyyəli tədris nəticəsində qazandıqları biliklərlə yanaşı, şirkətlərdə əldə etdikləri təcrübənin də vacibliyini deyən rektor "SOCAR UPSTREAM Management International MMC" şirkətinin rəhbərliyinə təşəkkür etdi. Neftçi peşəsinin çətin və zəhmət tələb edən peşə olmaqla yanaşı, həm də şərəfli və məsuliyyətli bir sahə olduğunu vurğulayan Elmar Qasımov BANM-in məzunlarının bu yolu gələcəkdə davam etdirəcəklərinə əmin olduğunu dedi.
SOCAR-ın vitse-prezidenti, "SOCAR UPSTREAM Management International MMC" şirkətinin İcraçı direktoru Yaşar Lətifov BANM-in hazırda ölkəmizdə ən nüfuzlu ali təhsil müəssisələrindən biri olduğunu dedi. O, Ali Məktəbin tələbələrinin istehsalat təcrübəsi zamanı nümunəvi davranış və öz peşələrinə böyük maraq sərgilədiklərini bildirdi. Yaşar Lətifov BANM-in rəhbərliyinə əməkdaşlığa görə minnətdarlığını bildirdi.
Xatırladaq ki, 2015-ci il iyunun 1-də SOCAR-ın vitse-prezidenti, "SOCAR UPSTREAM Management International MMC" şirkətinin İcraçı direktoru Yaşar Lətifov və Bakı Ali Neft Məktəbinin rektoru Elmar Qasımov əməkdaşlıq haqqında razılaşma imzalayıblar. Razılaşmaya əsasən, BANM-də tətbiq edilən tədris proqramları çərçivəsində BANM-in tələbələri üçün şirkətin mütəxəssisləri tərəfindən mühazirələr oxunması, onların müəllim kimi fənlərin tədrisinə cəlb olunması, BANM-in tələbələrinin şirkətin müəssisələrində təcrübə keçməsi, BANM-in məzunları üçün iş imkanlarının nəzərdə tutulması, BANM-in tələbələrinin yay təcrübə proqramlarında iştirakının təmin edilməsi, tələbələr üçün kursların təşkil edilməsi, mütəxəssis hazırlığının keyfiyyətini yüksəltmək məqsədilə birgə seminarların və ixtisasartırma kurslarının təşkil edilməsi nəzərdə tutulur.
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət