Koreyanın İxrac-İdxal Bankı(KEXIM) SOCAR-ın Sumqayıtda Karbamid Zavodunun tikintisinə 500 mln. avro ayırıb. Bu barədə bankdan məlumat verilib.
“Bu kredit iki ölkə arasında iqtisadi əməkdaşlığın genişləndiriməsinə bizim töhfəmizdir. Bununla Koreya şirkətlərinin Azərbaycanda əməliyyatlarının təməli qoyulur”, - deyə məlumatda deyilir.
SOCAR-ın vitse-prezidenti Süleyman Qasımov bu gün jurnalistlərə məlumat verib ki, şirkət artıq qeyd olunan kreditin əldə olunmasına dair saziş imzalayıb və sənədi banka ünvanlayıb.
“Hazırda Koreya tərəfi Azərbaycanla kreditə dair zəmanət sazişinin imzalanmasını gözləyir. Düşünürəm ki, bu məsələ cari ayın sonuna kimi həlllini tapacaq. Nazirlər Kabineti Maliyyə Nazirliyinə müvafiq səlahiyyətlərin verilməsi məqsədilə Azərbaycan Prezidenti Administrasiyasına müraciət edib. Yəqin ki, bu məsələ dövlət başçısı Davosdan qayıdandan sonra həll olunacaq”, - deyə S.Qasımov vurğulayıb.
O məlumat verib ki, vəsait “aşağı faizlə” 15 il müddətinə veriləcək. Kreditin ümumi məbləğindən 249 mln. avro “KEXIM”in zəmanəti ilə Deutsche Bank, Unicredit və Societe Generale, qalan 251 mln. avro - birbaşa Koreya İxrac-İdxal Bankı tərəfindən ayrılacaq.
S.Qasımov həmçinin izah edib ki, bu layihənin reallaşdırılmasına 6 ay müddətinə aralıq kreditlər cəlb olunmuşdu. “Beləliklə, ayrılan 500 mln. avrodan 201 mln. avro artıq mənimsənilib”, - deyə S.Qasımov bildirib.
Cənubi Koreyanın “Samsung Engineering” şirkəti ilə zavodun “açar təhvili” şərti ilə layihələndirilməsi, tikintisi və alqı-satqısı haqqında müqavilə imzalanıb.Müqavilə çərçivəsində şirkət tikinti-quraşdırma işləri həyata keçirəcək və işçilər üçün təlimlər təşkil edəcək.
2016-cı ilin sonuna olan məlumata əsasən, zavodun layihələndirmə işləri 100%, tikinti işləri təxminən 58% olmaqla, ümumilikdə 88% tamamlanıb.
Karbamid zavodunun tikintisi 2017-ci ilin sonunda başa çatdırılacaq. 2018-ci ilin əvvəllərində zavod istismara veriləcək. **
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
TuranBank Habib American Bank-da ABŞ dollarında müxbir hesab açıb
Dünyanın ən məşhur idman və əyləncə kanalları indi “CityNet”də!
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət