İordaniya Haşimilər Krallığının Azərbaycandakı Fövqəladə və Səlahiyyətli Səfiri Nəssar İbrahim Məhəmməd əl-Həbəşneyi Caspian Energy İnternational Media Group-un prezidenti və baş redaktorunun rəhbərliyi ilə Caspian Energy-nin nümayəndə heyətini qəbul edib.
Görüşdə Caspian European Club və Caspian Energy İnternational Media Group çərçivəsində Azərbaycan İordaniya arasında informasiya əməkdaşlığının genişləndirilməsi perspektivlərinə toxunulub.
Səfir İordaniya şirkətlərinin Klub tərəfindən təşkil olunan biznes-forumlarda iştirakında maraqlı olduğunu bildirib. O həmçinin Caspian Energy-nin kollektivinin işini yüksək qiymətləndirib və jurnalda dərc olunan müsahibə və məqalələri maraqla oxuduğunu qeyd edib. Səfir İordaniyanın Caspian Energy çərçivəsində informasiya əməkdaşlığının genişləndirilməsində maraqlı olduğunu söyləyib.
İkitərəfli əlaqələrə toxunan Səfir vurğulayıb ki, heç nəyə baxmayaraq, iqtisadi münasibətlər də daxil olmaqla İordaniya ilə Azərbaycan arasındakı əlaqələr düzgün istiqamətdə inkişaf edir və yaxın gələcəkdə biz iki ölkə arasında ticarət və investisiya sahələrində canlanmanın şahidi olacağıq. O həmçinin vurğulayıb ki, turizm ölkələr arasındakı ticari əlaqələrin inkişafını təmin etməyə qadir olan əsas perspektivli sahələrdən biridir.
“Hər iki ölkədə cəlbedici turizm obyektlərinin olması dövlətlərimizin turizm şirkətləri arasındakı əməkdaşlıq üçün geniş imkanlar açır”, - deyə səfir deyib.
“İki ölkə arasında turizm əlaqələrinin inkişafı təkcə əməkdaşlıq və viza prosedurları barədə sazişlə deyil, həm də hər iki ölkənin özəl sektorunun informasiya əməkdaşlığının təşviqi, turizmin inkişafı üzrə proqramın işlənib hazırlanması və irəliləyişi ilə bağlıdır. Bu, ilk növbədə Əmman və Bakı arasında çarter reysləri, daha sonra bilavasitə hava yolları ilə səyahətə həvəsləndirir”, - deyə o çıxışına davam edib.
Bakının Ələt qəsəbəsindəki dəniz ticarət limanının inkişafından danışan Səfir qeyd edib ki, Ələt Azad İqtisadi Zonasının, həmçinin Bakı Beynəlxalq Dəniz Ticarət Limanının yaradılması Azərbaycanın öz xüsusi coğrafi mövqeyindən yararlanaraq atdığı ilk addımdır. Onun sözlərinə görə, bu addım Bakını mühüm ticarət və logistik mərkəzinə çevirəcək.
Görüşün sonunda Səfir Caspian Energy jurnalına eksklüziv müsahibə verib. Müsahibədə iki ölkə arasındakı qarşılıqlı əlaqələrinin bütün aspektlərinə və onların iqtisadi potensialının inkişafına toxunulub.
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət