Azərbaycan və Türkmənistan prezident İlham Əliyevin Aşqabada səfəri çərçivəsində sənədlər paketi imzalamağı planlaşdırır. Bu barədə Türkmənistanın Dövlət Informasiya Agentliyi məlumat yayıb.
Türkmənbaşı şəhərində Türkmənistan və Azərbaycan nümayəndə heyətlərinin iştirakı ilə işçi görüşü keçirilib. Əsas sahələr üzrə tərəfdaşlığın aktual istiqamətləri müzakirə olunub. Azərbaycan nümayəndə heyətinə xarici işlər naziri Elmar Məmmədyarov başçılıq edir.
Məlumata görə, Azərbaycan nümayəndə heyətinin bu səfəri işgüzar xarakterli olmaqla Türkmənistan prezidentinin 2017-ci ildə Azərbaycana rəsmi səfəri zamanı əldə olunmuş razılaşmaların praktik olaraq reallaşdırılması kontekstində, o cümlədən Azərbaycan prezidentinin Türkmənistana səfərinə hazırlıq məqsədilə həyata keçirilir.
«Prezident İlham Əliyevin Türkmənistana səfərinə böyük əhəmiyyət verilir. Səfər zamanı Türkmənistan-Azərbaycan əlaqələrinin daha da inkişaf etdirilməsi üçün mühüm sənədlər paketinin imzalanması planlaşdırılır», - deyə məlumatda qeyd olunur.
Tərəflər neft-qaz kompleksi, nəqliyyat-kommunikasiya sektoru, logistika, ticarət-iqtisadi, sənaye, mədəni-humanitar sahələr kimi müxtəlif istiqamətlərdə tərəfdaşlığın aktivləşdirilməsi və dinamik inkişafı ilə bağlı bir çox məsələləri müzakirə ediblər.
«Türkmənistan və Azərbaycan güclü resurs, iqtisadi və nəqliyyat-kommunikasiya potensialına malikdir. Bu potensialın reallaşdırılması hər iki tərəfin maraqlarına və regional və qlobal nöqteyi-nəzərdən dayanıqlı inkişaf məqsədlərinə cavab verir. Bu baxımdan yanacaq-energetika və nəqliyyat kimi strateji sahələrdə əməkdaşlığın inkişaf etdirilməsi imkanları müzakirə mövzusu olub”, - deyə agentlik bildirir.*
F.İsazadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət