2018-ci ilin iyunun 14-də Naxçıvan Muxtar Respublikasında keçiriləcək 6-cı Beynəlxalq “Caspian Energy Forum Nakhchivan – 2018”ə deleqatların qeydiyyatı başlayıb.
“Caspian Energy Forum Nakhchivan – 2018” Naxçıvanın 2018-ci il İslam mədəniyyətinin paytaxtı elan olunduğu vaxta salınıb. Forumun təşkili Azərbaycanın Ümummilli lideri Heydər Əliyevin hakimiyyətə qayıdışının 25 illiyinə və Azərbaycan Respublikasının vətəndaş müharibəsindən xilas olunduğu tarixə təsadüf edir. Bu barədə Caspian European Club-un Sədrinin birinci müavini və baş icraçı direktoru Telman Əliyev məlumat verib.
Telman Əliyev qeyd edib ki, açılış mərasimində Naxçıvan Muxtar
Respublikası Ali Məclisinin Sədri Vasif Talıbov, hökumətin Naxçıvan Muxtar Respublikasının iqtisadi blokunu təmsil edən üzvləri, həmçinin Naxçıvan Muxtar Respublikasında fəaliyyət göstərən şirkət nümayəndələri və Caspian European Club-un idarə heyətinin üzvləri iştirak edəcəklər.
“Caspian Energy Forum Nakhchivan – 2018”in aparıcı mövzusu “Açıq bazarlar: uzunmüddətli inkişaf perspektivləri” olacaq.
6-cı Beynəlxalq “Caspian Energy Forum Nakhchivan – 2018”ə rəsmi dəstəyi Naxçıvan Muxtar Respublikası Hökuməti və Caspian European Club göstərir.
“Caspian Energy Forum Nakhchivan – 2018”də yalnız Caspian European Club-un üzvləri və onların Naxçıvan Muxtar Respublikasında yeni müəssisələrin yaradılmasında və investisiyalaşmasında maraqlı olan partnyorları iştirak edə bilərlər.
Telman Əliyevin sözlərinə görə, Xəzər-Qara dəniz və Baltik regionu ölkələrində ildə bir neçə dəfə keçirilən Caspian Energy Forum biznes-hökumət dialoqunun aktivləşməsi, neft və qeyri-neft sektoru şirkətləri arasında sıx əlaqələrin qurulması, transmilli şirkətlərlə kiçik və orta biznes nümayəndələrinin görüşü, həmçinin qlobal biznes əməkdaşlığında maraqlı olan investor, ekspert və analitiklər üçün əlverişli şərait yaradan ənənəvi meydandır.
Bundan əlavə, tədbirin proqramında kofe-breyk və işgüzar nahar zamanı iştirakçıların işi və ünsiyyəti üçün əlavə imkanlar nəzərdə tutulub.
Telman Əliyev əlavə edib ki, qeydiyyatdan keçmək üçün http://caspianenergyforum.com/nakhchivan/index.php/en/ linkinə daxil olmaq lazımdır.
Naxçıvan Muxtar Respublikası 2017-ci ilin nəticələrinə görə, Caspian Energy International Media Group-un tərtib etdiyi və Azərbaycan Respublikasının Prezidenti, Caspian European Club-un Sədri Zati-aliləri cənab İlham Əliyevin rəhbərliyi ilə ölkədə həyata keçirilən iqtisadi islahatların və sosial siyasətin nəticələrini əks etdirən Azərbaycanın iqtisadi regionlarının illik investisiya reytinqinin lideri olub. 18 parametr üzrə sıralanan regionlar altı qrupa bölünüb: sosial-demoqrafik göstərici,sosial-iqtisadi vəziyyət, işgüzar mühit, infrastruktur, rifahlıq və kənd təsərrüfatı.
Sıralarında dünyanın 70 ölkəsindən 5 mindən artıq şirkət və təşkilatı birləşdirən Caspian European Xəzər-Qara dəniz regionunda fəaliyyət göstərən nəhəng neft-qaz şirkətlərinin dəstəyi və Caspian Energy İnternational Media Group-un fəal iştirakı ilə 2002-ci ilin iyununda yaradılıb.2016-cı il dekabrın 24-də Caspian American Club, 2018-ci il yanvarın 26-da Caspian Asian Club təsis olunub.Onların hər ikisi iki il ərzində CaspianEuropeanClub-un idarə heyətinin üzvləri tərəfindən idarə olunacaqlar. Caspian European Club-a daxil olan bütün şirkətlər avtomatik qaydada Caspian American Club və Caspian Asian Club-un, Caspian American Club və Caspian Asian Club-a daxil olanlar isə Caspian European Club-un üzvü hesab olunurlar.
Caspian European Club-un sədri Azərbaycan Respublikasının Prezidenti Zati-aliləri cənab İlham Əliyevdir.
Beynəlxalq Caspian Energydünyanın 70 ölkəsində yayılır. 19 il ərzində jurnalda dünyanın müxtəlif dövlətlərinin prezident və baş nazirlərinin, həmçinin nüfuzlu beynəlxalq təşkilat və nəhəng transmilli şirkət rəhbərlərinin müsahibələri, aparıcı ekspertlərin analitik material və xülasələri çap olunur. Müxtəlif qiymətləndirmələrə görə, Xəzər-Qara dəniz və Baltik regionunun aparıcı nəşrlərinin ilk beşliyinə daxil edilmiş “Caspian Energy” jurnalı Xəzər-Qara dəniz və Baltik regionlarının bir çox investorlarının fəaliyyətində əsas oriyentir rolunda çıxış edir.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət