Elqar Bağırov Caspian Energy USA-nın baş icraçı direktoru vəzifəsinə təyin edilib. Bu barədə Caspian European Club-un sədrinin birinci müavini və baş icraçı direktoru Telman Əliyev məlumat verib.
Onun sözlərinə görə, Caspian Energy USA Caspian American Club, Caspian European Club, Caspian Asia Club və Caspian Energy İnternational Media Group-un ABŞ ərazisində maraqlarını təmsil edəcək və layihələrini idarə edəcək.
Telman Əliyev qeyd edib ki, Elqar Bağırov fəal şəkildə Caspian European Club-un işində iştirak edir, həmçinin Caspian European Club-un tərkibinə daxil olan SME (SMALL & MEDIUM ENTREPRISES) COMMITTEE-yə uğurla rəhbərlik edir.
Elqar Bağırov 1986-cı il oktyabrın 2-də Bakı şəhərində anadan olub.ABŞ-da orta məktəbi bitirərək Azərbaycan Respublikası Prezidenti yanında Dövlət İdarəçilik Akademiyasının inzibati idarəetmə fakültəsinə daxil olub. 2004-cü ildə Birləşmiş Millətlər Təşkilatının İnkişaf Proqramında peşəkar fəaliyyətə başlayıb. 2007-ci ildə Times Consulting şirkətinin əsasını qoyub. 2015-ci ildən BT Project şirkətinin həmtəsisçisi, Gate 25 brendinin sahibidir. 2017-ci ildən Caspian European Club-un idarə heyətinin üzvüdür, klubun Kiçik və Orta Biznes üzrə Komitəsinə rəhbərlik edir.
Elqar Bağırov Klubun yuxarı rəhbərliyinə minnətdarlığını bildirərək, ona göstərilən yüksək etimadı doğrulmaq üçün əlindən gələni edəcəyini və Azərbaycanın özəl sektoru ilə ABŞ arasında ticari-iqtisadi əlaqələrin inkişafına kömək göstərəcəyini, həmçinin Amerika şirkətlərinin Xəzər-Qara dəniz regionuna, Xəzər-Qara dəniz regionu şirkətlərinin isə ABŞ-a cəlb olunmasına yardım edəcəyini deyib.
Sıralarında dünyanın 70 ölkəsindən olan 5 mindən artıq şirkəti və təşkilatı birləşdirən Caspian European Club 2002-ci ilin iyununda Xəzər-Qara dəniz regionunda fəaliyyət göstərən nəhəng neft-qaz şirkətlərinin dəstəyi və Caspian Energy İnternational Media Group-un fəal iştirakı ilə yaradılıb.
2016-cı il dekabrın 24-də Caspian American Club, 2018-ci il yanvarın 26-da Caspian Asian Club təsis olunub. Hər iki təşkilat 2 il ərzində Caspian European Club-un idarə heyətinin üzvləri tərəfindən idarə olunacaq. Caspian European Club-a daxil olan bütün şirkətlər avtomatik qaydada Caspian American Club və Caspian Asian Club-un, Caspian American Club və Caspian Asian Club-a daxil olanlar isə Caspian European Club-un üzvü hesab olunurlar.
Yarandığı ilk gündən Caspian European Club-un Sədri Azərbaycan Respublikasının Prezidenti Zati-aliləri cənab İlham Əliyevdir.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət