“BP-Azerbaijan” şirkəti 2019-cu ilin ortalarında Xəzərin Azərbaycan sektorunda “Mərkəzi-Şərqi Azəri” layihəsi çərçivəsində üst modulları və hasilat platformasında dayaq blokunun tikintisinə başlamağı planlaşdırır. Bu barədə layihənin reallaşdırılması üzrə menecer Kolin Simpson məlumat verib.
"Hazırda “Mərkəzi-Şərqi Azəri” layihəsinin ətraflı injinirinq işləri həyata keçirilir. “SOCAR KBR” birgə müəssisəsi bu işlərə cəlb olunub. 2019-cu ilin ortalarından üst modulları və hasilat platformasında dayaqblokunun tikintisi işlərinə başlanacaq. İşlər 2022-ci ilin ortalarınadək davam edəcək”, - K.Simpson bu gün “Mərkəzi-Şərqi Azəri” layihəsinin Ətraf Mühitə və Sosial Sahəyə Təsirinin Qiymətləndirilməsi (ƏMSSTQ) sənədi üzrə ictimai dinləmələrdə bildirib.
O dəqiqləşdirib ki, “Mərkəzi-Şərqi Azəri” hasilat platformasında 202 nəfərlik yaşayış bloku inşa ediləcək.
Yeni platformanın dayaq blokunun dənizdə quraşdırılması 2021-ci ilin sonunda, üst tikililərin - 2022-ci ilin II rübündə planlaşdırılır.
“Həmçinin, 2022-ci ildə yeni platformanın obyektlərinin mövcud “Şərqi Azəri” və “Mərkəzi Azəri” platformaları ilə birləşdirilməsi işlərinin həyata keçirilməsi planlaşdırılır. Cari proqnozlara əsasən, 2023-cü ildə blokdan ilk neft və qaz hasilatına başlanacaq”, - şirkətin meneceri qeyd edib.
O əlavə edib ki, blokdan hasil olunan neft və qaz Səngəçal terminalına çatdırılacaq.
Həmçinin, dinləmələrdə qeyd olunub ki, Ətraf Mühitə və Sosial Sahəyə Təsirinin Qiymətləndirilməsi (ƏMSSTQ) üzrə hesabatın son variantı 2019-cu ilin yanvar-fevral aylarında hazır olacaq və təsdiq üçün Ekologiya və Təbii Sərvətlər Nazirliyinə təqdim ediləcək.
Xəbər verilib ki, “Mərkəzi-Şərqi Azəri” layihəsi “Azəri-Çıraq-Günəşli” yataqlar blokunun işlənməsinin növbəti mərhələsini təşkil edir. Bu layihənin məqsədi əlavə quyuları qazmaqla və əlavə dəniz obyektləri quraşdırmaqla, gündə 100 min barelə qədər neft və 350 min standart kubfut qaz təşkil edən pik hasilat həcminə nail olmaqdır.
Layihə suyun 137 metr dərinliyində Mərkəzi Azəri və Şərqi Azəri platformaları arasında yerləşdiriləcək yaşayış bloklu hasilat və qazma platformasının tikintisi; üç yeni yataqdaxili sualtı qaz, neft və suvurma boru xətti birləşmələri və əlaqədar sualtı infrastrukturun quraşdırılması; Şərqi Azəri platformasından Mərkəzi-Şərqi Azəri platformasına istiqamətlənən birləşdirilmiş sualtı enerji (ehtiyat) və telekommunikasiya kabelinin çəkilməsini nəzərdə tutur.
“Mərkəzi-Şərqi Azəri” layihəsi çərçivəsində ilk neftin 2023-cü ilin əvvəlində hasil olunacağı planlaşdırılır, 2024-cü ildə isə hasilatın pik həddə çatacağı gözlənilir. BP obyektlərin tikintisi üçün podratçı seçimi üzrə tender prosedurunu 2019-cu ilin I rübünün sonunadək başa çatdırmağı nəzərdə tutur.
“Azəri”, “Çıraq” yataqlarının və “Günəşli” yatağının dərinsulu hissəsinin işlənməsi haqqında müqavilə 1994-cü il sentyabrın 20-də imzalanıb və elə həmin ilin dekabrın 12-də qüvvəyə minib. Müqavilənin müddəti 2024-cü ildə başa çatmalı olsa da, 2017-ci il sentyabrın 14-də Bakıda AÇG blokunun 2050-ci ilədək işlənməsi haqqında yeni müqavilə imzalanıb.
Yeni müqavilə üzrə layihənin iştirakçıları Britaniyanın BP (30,37%), Amerikanın “Chevron” (9,57%), “ExxonMobil” (6,79%), Hindistanın “ONGC Videsh Limited” (2,31%), Yaponiyanın “Inpex” (9,31%), “Itochu” (3,65%), Azərbaycanın SOCAR (25%), Norveçin “Statoil” (7,27%), Türkiyənin TPAO (5,73%) şirkətləridir.
Yeni saziş çərçivəsində 2017-2049-cu illərdə investisiya qoyuluşları $43 mlrd. məbləğində qiymətləndirilir.**
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət