Nobel Oil və Wood şirkətləri Azərbaycanın neft-qaz bazarında mühəndis-layihələndirmə və əməliyyatlara dəstək xidmətləri göstərmək məqsədi ilə birgə müəssisə yaradılması barədə müqavilə imzalayıblar.
Birgə müəssisə, Wood şirkətinin mühəndis-layihələndirmə və texniki xidmət imkanlarını, eləcə də Nobel Oil şirkətinin Xəzər regionunda bilik, təcrübə və bacarıqlarını özündə cəmləşdirəcək. Birgə müəssisə əsasən Azərbaycanda dənizdə yerləşən müxtəlif obyektlərdə mühəndis-layihələndirmə, təchizat və tikintinin idarə olunması müqavilələrinin yerinə yetirilməsinə xidmət edəcək.
Birgə müəssisənin yaradılması ilə bağlı, Wood, Nobel Oil və bazarda fəaliyyət göstərən digər şirkətlərin yüksək səviyyəli nümayəndələrinin, eləcə də Böyük Britaniyanın Ticarət və İnvestisiya departamentinin (UKTI) təmsilçilərinin və Böyük Britaniyanın Azərbaycandakı Səfiri Dr.Kerol Krofts və digər qonaqların iştirakı ilə 31 oktyabr tarixində Bakıda rəsmi imzalama mərasimi keçirilib.
Wood şirkətinin Avropa, Avstraliya, Amerika və Afrika üzrə Baş İcraçı Direktoru Deyv Styuart şərh edib: "Wood şirkəti, Azərbaycandakı fəaliyyətinin genişləndirilməsinə, müştərilərin ehtiyaclarını dəstəkləyən xidmətlərin göstərilməsinə və yerli təchizat zəncirində ön sırada olmaq üçün əməkdaşlıq qurmağa, yeni imkanların tapılmasına sadiqdir. Nobel Oil şirkəti ilə səylərimizin birləşdirilməsi Azərbaycanda həm mühəndis-layihələndirmə imkanlarımızı artıracaq, həm də yerli işçi qüvvəsi üçün təlim və inkişaf imkanları yaradacaq."
Nobel Oil şirkətinin Baş İcraçı Direktoru Vüqar Səmədli bildirib: "Birgə müəssisənin yaradılması Azərbaycanın neft-qaz sənayesinin gələcək inkişafına xidmət edəcək əhəmiyyətli hadisədir. Yeni birgə müəssisə müştərilərə yüksək səviyyəli xidmətlər göstərmək üçün hər iki şirkətin təcrübə və bacarıqlarını birləşdirəcək. İnanıram ki, bu tərəfdaşlıq hər iki şirkət və bütün sənaye üçün faydalı olacaq.”
Wood şirkəti, enerji və sənaye sahələrində layihələndirmə, mühəndislik və texniki xidmətlərin göstərilməsi üzrə dünya lideridir. Wood, gəliri 10 milyard ABŞ dollarından çox olan, təqribən 60000 işçinin çalışdığı və 60-dan çox ölkədə fəaliyyət göstərən şirkətdir. 2016-cı ildə Wood şirkəti Azərbaycanda 200 yeni iş yeri yaradaraq BP şirkətinin dənizdəki səkkiz platformasına mühəndis-layihələndirmə xidmətləri göstərmək üçün ümumi dəyəri 500 milyon ABŞ dolları olan 5 illik müqavilə imzalamışdır.
Nobel Oil Services neft-qaz sahəsində ixtisaslaşan çoxşaxəli şirkətlər qrupudur. Şirkətlər qrupuna daxil olan müəssisələr qazma, tikinti və layihələrin idarəedilməsi, eləcə də avadanlığa texniki xidmət, təchizat və layların neftverimliliyinin artırılması xidmətlərini göstərək fəaliyyətlərini uğurla inkişaf etdirirlər. Nobel Oil Services həm əməliyyat, həm də maliyyə fəaliyyətində ən yüksək standartlara riayət edir.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət