SOCAR 2022-ci ildə Bakı Neft Emalı Zavodunda (BNEZ) Avro-5 standartına cavab verən avtomobil yanacağı istehsalına başlamağı planlaşdırır. Bu barədə "İnterfaks-Azərbaycan" agentliyinə SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov məlumat verib.
"Hazırda BNEZ-in modernləşdirilməsi layihəsi koronavirus pandemiyası şəraitində davam edir. Bütün ölkələrdə tətbiq edilən məhdudlaşdırıcı tədbirlər sənaye layihələrinə birbaşa təsir göstərir, çünki mütəxəssislərin, mal-materialların hərəkətini əngəlləyir və müəyyən gecikmələrə səbəb ola bilər. Buna baxmayaraq, zavodun modernləşdirilməsi prosesi tənzimlənir. Müəssisənin Avro-5 standartına cavab verən avtomobil yanacağı istehsalına 2022-ci ildə başlayacağı gözlənilir", - deyə Əhmədov bildirib.
Daha əvvəl şirkət modernləşdirilmə işlərinin yekunları üzrə 2021-ci ildə müəssisədə Avro-5 standartına uyğun dizel yanacağının, bir müddət sonra isə Aİ 92/95/98 markalı avtomobil benzininin istehsalına başlamağı planlaşdırırdı.
"BNEZ-in yenidən qurulması və modernləşdirilməsi layihəsinin ilkin variantı yenidən nəzərdən keçirilib və bu proses hələ də davam edir. Bəzi mütəxəssislərimizin qiymətləndirmələrinə görə, zavodda Avro-5 ekoloji standartına cavab verən avtomobil yanacağının istehsalına 2021-2022-ci illərdə başlanıla bilər", - deyə o əlavə edib.
Bakı Neft Emalı Zavodunun modernləşdirilməsi ümumilikdə 3 mərhələdə həyata keçiriləcək.
BNEZ-in yenidən qurulmasının birinci mərhələsi 2018-ci ildə başa çatıb. Nəticədə yeni bitum qurğusu və LPG məntəqəsi istifadəyə verilib.
BNEZ-in yenidən qurulmasının ikinci mərhələsinin yekununda Avro-5 standartı üzrə dizel yanacağının istehsalı, üçüncü mərhələnin yekunları üzrə Avro-5 standartı üzrə Aİ 92/95/98 markalı avtomobil benzininin istehsalı təşkil olunacaq.
SOCAR BNEZ-in yenidən qurulması və modernləşdirilməsi üzrə işləri 2024-2025-ci illərdə başa çatdırmağı planlaşdırır.
Modernləşdirilmə işlərindən sonra BNEZ-də illik 2,2 milyon ton avtomobil benzini (hazırda 1,2 milyon ton təşkil edir), 2,9 milyon ton dizel yanacağı (hazırda 1,9 milyon ton), 1 milyon ton reaktiv yanacaq (hazırda 600 min ton) və 390 min ton neft-kimya məhsulları (hazırda 112 min ton) istehsal olunacaq.
Layihə $2,2 milyard məbləğində qiymətləndirilib.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
TuranBank Habib American Bank-da ABŞ dollarında müxbir hesab açıb
Dünyanın ən məşhur idman və əyləncə kanalları indi “CityNet”də!
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət