Bakı və Brüssel yaxın gələcəkdə strateji tərəfdaşlığa dair yeni saziş üzrə danışıqları bərpa edəcək. Bu barədə Azərbaycan prezidenti İlham Əliyev bəyan edib.

“Bu gün biz Avropa İttifaqı ilə bərabərhüquqlu saziş üzərində işləyirik və sazişin 90%-i razılaşdırılıb. Əlbəttə ki, pandemiya və (Qarabağda - İF) müharibə bu işlərə bir az müdaxilə etdi. Yaxın gələcəkdə bu danışıqlar bərpa ediləcək”, - Əliyev cümə günü bildirib.

Aİ Xarici İşlər Nazirləri Şurası 14 noyabr 2016-cı il tarixində Azərbaycanla saziş üzrə danışıqların aparılması üçün Avropa Komissiyası və Aİ-nin xarici işlər və təhlükəsizlik siyasəti üzrə ali nümayəndəsinə mandat verib.

Yeni sazişlə bağlı danışıqlara 2017-ci il fevralın 7-də başlanılıb.**

A.Əzizov