Ermənistanla dövlət sərhədində vəziyyət Azərbaycan sərhədçilərinin tam nəzarəti altındadır. Bu barədə Dövlət Sərhəd Xidmətinin məlumatında deyilir.

“Ermənistanla dövlət sərhədində vəziyyət bölmələrimizin tam nəzarəti altındadır”, - deyə məlumatda bildirilir.

DSX sosial media səhifələrində Zəngilan rayonu ərazisində dövlət sərhədində Ermənistan Silahlı Qüvvələrinin təxribat-diversiya qrupunun Azərbaycan ərazisinə keçməyə cəhd göstərərkən zərərsizləşdirilməsi, qrupun 2 üzvünün saxlanılması barədə yayılan məlumatları təkzib edib.

“Bu məlumatlar həqiqəti əks etdirmir”, - deyə DSX vurğulayıb.*

R.Əhmədov