Bakı və Daşkənd qarşılıqlı ticarət dövriyyəsinin illik həcmini $500 milyona qədər artırmağı planlaşdırır.
“İnterfaks-Azərbaycan” agentliyinin məlumatına görə, bu məsələ Özbəkistan baş nazirinin müavini - investisiyalar və xarici ticarət naziri Sardor Umurzakov ilə Azərbaycanın Daşkənddəki səfiri Hüseyn Quliyevin görüşündə müzakirə edilib.
“Danışıqlar zamanı tərəflər iki ölkə arasında əməkdaşlığın aktual gündəliyini, onun genişləndirilməsi perspektivlərini, habelə əvvəllər əldə edilmiş razılaşmaların həyata keçirilməsini müzakirə ediblər”, - deyə İnvestisiyalar və Xarici Ticarət Nazirliyinin məlumatında bildirilir.
Tərəflər investisiya sahəsində əməkdaşlığın genişləndirilməsi üçün prioritetləri müəyyən ediblər. Xüsusilə kənd təsərrüfatı, inşaat materialları və turizm sahələrində konkret layihələr nəzərdən keçirilib. Azərbaycan şirkətlərinin toxuculuq, dəri, ayaqqabı, zərgərlik və elektrotexnika sahələrində özbək istehsalçılarla istehsal kooperasiyasının yaradılmasına cəlb edilməsi istiqamətində işlərin gücləndirilməsi barədə razılıq əldə olunub.
“Qarşılıqlı ticarətin artırılması yolları müzakirə edilib. Qeyd edilib ki, iki ölkənin iqtisadiyyatı illik ticarət dövriyyəsinin ən yaxın zamanda $500 milyona qədər artırılması üçün hər cür şəraitə malikdir”, - deyə məlumatda qeyd olunur.
Tərəflər, həmçinin nəqliyyat və logistika sahəsində əməkdaşlığın dərinləşdirilməsi perspektivlərini də qeyd ediblər. Bununla bağlı iki ölkənin tranzit güclərinin və qarşılıqlı daşımaların artırılması ilə bağlı bir sıra məsələlər müzakirə edilib. Kənd təsərrüfatı məhsullarının emalı və ixracı üzrə birgə aqroklasterlərin yaradılması imkanları öyrənilib.
Xüsusilə bir sıra ikitərəfli tədbirlər, o cümlədən Özbəkistana yüksək səviyyədə səfər və Özbəkistan Respublikası ilə Azərbaycan Respublikası arasında ticarət-iqtisadi əməkdaşlıq üzrə Hökumətlərarası Komissiyanın növbəti iclasına hazırlıq məsələləri müzakirə olunub. Danışıqlar başa çatdıqdan sonra tərəflər əvvəllər əldə edilmiş razılaşmaların həyata keçirilməsi və təşviqi istiqamətində fəal əməkdaşlığa, eləcə də ikitərəfli tərəfdaşlığın genişləndirilməsinə sadiq olduqlarını bildiriblər”, - deyə məlumatda vurğulanır.*
R.Əhmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
TuranBank Habib American Bank-da ABŞ dollarında müxbir hesab açıb
Dünyanın ən məşhur idman və əyləncə kanalları indi “CityNet”də!
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət