Ədalətli Rusiya Partiyasının rəyasət heyətinin katibi, Rusiya Dövlət Dumasının III-VII çağırış deputatı Oleq Şein “İnterfaks-Azərbaycan” agentliyinə RF Dövlət Dumasının deputatı Mixail Delyaginin Azərbaycanın neft sənayesinə zərbə endirilməsi ilə bağlı qalmaqallı bəyanatını şərh edib.
“Dünən “Rossiya-1” telekanalında partiya həmkarım Mixail Delyagin və aparıcı Olqa Skabeyeva Azərbaycanın neft sənayesinin vurulması məsələsini müzakirə ediblər. Skabeyeva isə deyib: “Bununla məşğul olmalıyıq, mümkündür, indi vaxtı deyil”. Azərbaycan KİV-i xəbər verir ki, Delyagin Telegram kanalında sorğu keçirərək izləyicilərindən aşağıdakı suala cavab verməyi xahiş edib: “Azərbaycanın hərbi resurslarını Ukraynaya yönəldən Rusiyanın gücsüzlüyünə əminlikdən irəli gələn aqressivlik nümayiş etdirməsi ilə əlaqədar onun neft sənayesinin məhv edilməsi üçün taktiki nüvə silahından istifadəni düzgün hesab edirsinizmi?”. Mən Telegram kanala göz gəzdirdim, belə bir sorğu görmədim, amma deyim ki, nüvə zərbələrinə istənilən çağırışı tamamilə cinayət xarakterli, Azərbaycana hərbi zərbələrin endirilməsi ilə bağlı çağırışları isə sadəcə məsuliyyətsiz deyil, ilk növbədə, Rusiya Federasiyasının özü üçün məhvedici hesab edirəm. Mən hətta bunun necə mümkün olduğunu anlamıram”, - deyə Şein bildirib.
Onun sözlərinə görə, Azərbaycan Rusiya üçün həmişə dost dövlət olub: “Hamı rus dilini bilir, tədrisin rus dilində aparıldığı üç yüzdən artıq məktəb fəaliyyət göstərir, qəzetlər çıxır və televiziya verilişləri yayımlanır. Bakıda, Lənkəranda və ya Gəncədə olmuş hər bir Rusiya vətəndaşı həmişə özünə qarşı xoş və mehriban münasibəti hiss edib”.
Şeinin sözlərinə görə, sözsüz ki, Azərbaycanın Rusiyanın maraqları ilə heç də həmişə üst-üstə düşməyən öz milli maraqları var, lakin bu, istisnasız olaraq hər bir dövlətdə belədir. “Ağıllı insanlar həmişə qonşuları ilə kompromislər və əməkdaşlıq nöqtələri axtarırlar. Pis sülh yaxşı mübahisədən daha yaxşıdır, Rusiya və Azərbaycan xalqları arasında isə tarixin müxtəlif dramatik dönüşlərindən sonra yaxşı sülhə nail olunub”, - deyə o qeyd edib.
Deputat qeyd edib ki, Xəzərdə istənilən hərbi münaqişənin ekoloji nəticələrindən danışmağa isə ehtiyac yoxdur: “Bu, Rusiyanın özünə, Qazaxıstana, İrana və Türkmənistana zərbə və öz əli ilə Rusiyanın cənubunda düşmən zona yaratmaq deməkdir”.
“Mən istəyirəm ki, Azərbaycan sakinləri bilsinlər: Rusiyada insanların mütləq əksəriyyəti mənim baxışlarımı bölüşür: nə biz imperiyayıq, nə də Azərbaycan bizim müstəmləkəmiz. İmperiya və müstəmləkə dövrü ötən minillikdə başa çatıb. Artıq 2022-ci ildir. Düşmən qazanmaq çox asan, dostluq qazanmaq isə çox çətindir. Mənim doğma diyarım - Həştərxan ruslar, tatarlar, qazaxlar, azərbaycanlılar, ermənilər, noqaylar və yüzdən artıq millətin nümayəndələrinin ümumi evinə çevrilib. Bizim Yer planeti də bu cür ümumi evdir. Onun qədrini bilmək lazımdır”, - deyə Şein əlavə edib.*
R.Əhmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
İşğaldan azad olunmuş torpaqlarda işləmək şərəf, namus məsələsidir – usta ilə söhbət