Pakistan, ölkədə kəskin çatışmazlığı səbəbindən, Azərbaycan, Rusiya və Çin ilə 200 min ton karbamid tədarükü ilə bağlı danışıqlar aparacaq.

«Pakistanın Dövlət Satınalmalarının Tənzimləməsi Qurumunun İdarə HeyətiPakistan Sənaye və İstehsal Nazirliyinin Azərbaycan, Rusiya və Çin ilə 200 min ton karbamid alışıı ilə bağlı danışıqlar təklifini təsdiqləyib», - «İnterfaks-Azərbaycan» agentliyi “Daily Pakistan” nəşrinə istinadən xəbər verir.

“Daily Pakistan”ın Pakistan Sənaye və İstehsal Nazirliyindəki həmsöhbətlərinin sözlərinə əsasən, İslamabad yerli zavodların müvəqqəti bağlanması və dekabr və yanvar aylarında karbamidə olan tələbin artması ilə əlaqədar ən azı 200 min ton karbamid çatımazlığı ilə üzləşib.

Bakı, Moskva və Pekin ilə danışıqlar hökumətlərarası sazişlərə riayət olunması və qiymətlərin müəyyənləşdirilməsi mexanizminin təmin edilməsi şərtilə aparılacaq. Hazırda dünya bazarında bu cür gübrələrin qiyməti metrik ton üçün $415-dən $420-yə qədər təşkil edir.

Qiymətlərin müəyyənləşdirilməsi mexanizmi hərrac yolu ilə həyata keçiriləcək, hərracın keçirilməsinin standart dövrü 45 gündür. **

R.Əhmədov