BP şirkəti iki il ərzində Xəzər dənizinin Azərbaycan sektorunda Şimali Abşeron hövzəsindəki D230 perspektiv blokunda seysmik tədqiqatlar həyata keçirməlidir. Bunu Çilli Məclisin vitse-spikeri Valeh Ələsgərov deyib.
Xəbər verildiyi kimi, Milli Məclisin cümə günü keçirilən iclasında “Xəzər dənizinin Azərbaycan sektorunda Şimali Abşeron hövzəsindəki D230 perspektiv blokunun birgə kəşfiyyatı və işlənilməsi üzrə hasilatın pay bölgüsü haqqında” saziş ratifikasiya edilib.
“Saziş çərçivəsində işlər 3 mərhələyə bölünüb: ilkin kəşfiyyat, əsas kəşfiyyat, işlənilmə və hasilat. Sazişin qüvvəyə mindiyi andan 24 ayı əhatə edəcək birinci mərhələ çərçivəsində BP (podratçı) müqavilə sahəsində seysmik tədqiqatlar aparmalı, seysmik məlumatların işlənməsi və interpretasiyasını həyata keçirməlidir. Əgər şirkət bu dövr ərzində perspektivli strukturlar aşkar edərsə, o zaman 3 sahəyədək seçim etmək və ikinci mərhələyə keçmək hüququna malikdir”, - V.Ələsgərov vurğulayıb.
İkinci mərhələnin reallaşdırılması müddəti 3 il təşkil edəcək. Bu dövr ərzində BP seçilən strukturlarda mehəndis-geoloji tədqiqatlar həyata keçirməli və bu işlərin ətraf mühitə təsirinə dair hesabat tərtib etməlidir.
Əgər podratçı bu dövrdə kommersiya baxımından qiymətli ehtiyatlar aşkar edə və SOCAR-ı (ARDNŞ) məlumatlandırarsa, 6 ay ərzində həmin yataqların işlənilməsi proqramını hazırlamalıdır. Bundan sonra işlənilmə mərhələsinə başlamalıdır. Lakin BP 48 ay ərzində blokdan sənaye hasilatına başlanılması məqsədilə bütün zəruri işləri həyata keçirməlidir.
“Müqavilə sahəsinin riskli və kifayət dərəcədə öyrənilməməsini nəzərə alaraq, pay bölgüsü sazişinin iştirakçıları arasında əldə olunan razılığa əsasən, illik hasilat həcminin 5 mln. tonadək olacağı halda BP mənfəət neftinin 70%-ni, hasilatın 10 mln. tonadək olacağı halda - 60%-ni əldə edəcək. İllik hasilat 10 mln. tondan çox olacağı halda mənfəət nefti 50%-50% nisbətində SOCAR ilə BP arasında bölünəcək”, - V.Ələsgərov qeyd edib.
O əlavə edib ki, blokdan texniki məqsədlər üçün istifadə edilməyən hasil olunan səmt qazı pulsuz ARDNŞ-a veriləcək. Müqavilə ərazisinin sahəsi 3197 kvadratmetr təşkil edir. Burada indiyədək kəşfiyyat işləri aparılıb.
Öncə BP-dən məlumat verilib ki, sazişin Milli Məclisdə ratifikasiya edilməsindən aslı aolaraq, 2019-cu ilin I yarısında blokda seysmik işlərə başlanılması planlaşdırılır
SOCAR və BP arasında “Xəzər dənizinin Azərbaycan sektorunda Şimali Abşeron hövzəsindəki D230 perspektiv blokunun birgə kəşfiyyatı və işlənilməsi üzrə hasilatın pay bölgüsü haqqında” saziş 2018-ci il aprelin 26-da imzalanıb.
BP 50% iştirak payına malik olmaqla kəşfiyyat dövründə operator kimi çıxış edəcək. İştirak payının digər 50%-i isə SOCAR-a məxsus olacaq.**
R.Babayev, N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət