Avropa İnvestisiya Bankı (EIB) Türkiyənin BOTAS qaz korporasiyasına Trans-Anadolu qaz kəməri (TANAP) layihəsinin maliyyələşdirilməsi üçün $270 milyon məbləğində kreditin verilməsini təsdiq edib. Bu barədə Türkiyənin “Anadolu” agentliyi mənbələrə istinadən məlumat verib.
BOTAS kredit vəsaitlərini 5 ili güzəştli olmaqla 18 il müddətinə cəlb edib.
BOTAS cəlb olunan vəsaitləri layihədəki payının maliyyələşdirilməsinə yönəldəcək.
Türkiyənin enerji və təbii sərvətlər naziri Fatih Dönmez "Anadolu"ya müsahibəsində "təbii qazın davamlı tranzitini təklif etməklə regional və qlobal enerji təhlükəsizliyinə töhfə vermək məqsədi daşıyan TANAP boru kəməri layihəsini yüksək qiymətləndirib".
"TANAP Avropanın enerji təhlükəsizliyinin şaxələndirilməsində mühüm rol oynayır. Türkiyə enerji mərkəzinə çevrilmək üçün durmadan irəliləyir və müvafiq olaraq bu məqsədə nail olmaq üçün strategiya planlaşdırır", - deyə Dönmez bildirib.
O qeyd edib ki, TANAP ilə nəqlin başladığı 30 iyun 2018-ci il tarixindən 6,2 milyard kubmetr qaz nəql edilib.
"30 iyun 2018-ci il tarixindən etibarən TANAP ilə gündəlik 4,7 milyon kubmetr qaz nəql edilib və bu həcm 2019-cu il iyulun 1-dən tədricən 11,3 milyon kubmetrə qədər artaraq 1 iyul 2020-ci il tarixində maksimum həddə - gündəlik 17 milyon kubmetrə çatıb", - deyə Dönmez bildirib.
SOCAR-ın məlumatına görə, 2020-ci ilin iyun ayının sonundan etibarən TANAP ilə Türkiyəyə illik 6 milyard kubmetr qaz nəql olunacaq. Bundan başqa, cari ilin sonundan Azərbaycan Avropaya ildə 10 milyard kubmetr qazın nəqlinə başlayacaq.
SOCAR-ın proqnozlarına görə, TANAP qaz kəmərinin fəaliyyəti Türkiyənin qaza olan tələbatının 12%-ni təmin edəcək.
TANAP-ın birinci fazası (Gürcüstan-Türkiyə sərhədindən Əskişəhərədək) 2018-ci il iyunun 12-də işə salınıb. Türkiyəyə ilk kommersiya qazının tədarükünə 2018-ci il iyunun 30-dan başlanılıb. 2019-cu il aprelin 15-də TANAP qaz kəmərinin Əskişəhərdən Türkiyə-Yunanıstan sərhədinədək olan hissəsinə qazın sınaq tədarükünə başlanılıb. Həmin ilin iyun ayının 15-də “Şahdəniz” yatağından hasil edilən qaz TANAP ilə Türkiyə-Yunanıstan sərhədinə çatıb. 2019-cu il iyulun 1-dən TANAP Azərbaycan qazının Avropaya nəqli üçün tam hazır vəziyyətdədir. Noyabrın 30-da qaz kəmərinin ikinci fazasının (Əskişəhərdən Türkiyə-Yunanıstan sərhədinədək) işə salınması mərasimi keçirilib. TANAP-ın tikintisi $6,5 milyarda başa gəlib.
Ümumi uzunluğu 1,85 min kilometr olan TANAP qaz kəməri “Mərhələ-2” çərçvəsində “Şahdəniz” yatağından hasil edilən Azərbaycan qazının Gürcüstan-Türkiyə sərhədindən Türkiyənin qərb sərhədlərinə qədər nəqli üçün nəzərdə tutulub.
Qaz kəmərinin ötürmə qabiliyyəti ən azı 16 milyard kubmetr təşkil edəcək. Bu həcmin 10 milyard kubmetri Avropaya, 6 milyard kubmetri Türkiyənin qərb regionlarına göndəriləcək. Gələcəkdə boru kəmərinin ötürmə qabiliyyəti illik 24 milyard kubmetrə, daha sonra isə 31 milyard kubmetrə çatdırılacaq.
TANAP-ın səhmdarları SOCAR (51%), “SOCAR Turkiye Enerji” (7%), BOTAS (30%) və BP (12%) şirkətləridir. Bu boru kəməri 15 il ərzində səhmdarlara ildə ümumilikdə $1,45 milyard gəlir gətirəcək, bunun 58%-i Azərbaycanın payına düşəcək.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət