Prezident İlham Əliyev Azərbaycan əhalisinin ərzaq məhsulları ilə təminatına dair dövlət proqramının hazırlanması haqqında sərəncam imzalayıb. Bu barədə “İnterfaks-Azərbaycan” agentliyinə prezidentin İcra Aparatından məlumat verilib.
Cümə axşamı imzalanan sərəncamda Nazirlər Kabinetinə Dövlət Proqramının layihəsini üç ay müddətində hazırlayaraq prezidentə təqdim etmək tapşırılıb.
Dövlət Proqramının hazırlanmasına dövlət orqanlarının, elmi təşkilatların, QHT-lərin və ictimai birliklərin nümayəndələri, eləcə də müstəqil ekspertlər cəlb ediləcək.
“Azərbaycan əhalisinin ərzaq məhsulları ilə təmin edilməsi dövlətin iqtisadi siyasətində mərkəzi yer tutur. Bu məqsədlə ölkədə ərzaq istehsalı sahəsində, xüsusilə aqrar bölmədə bir sıra köklü islahatlar aparılıb. Hazırda dövlət tərəfindən kənd təsərrüfatı məhsulları istehsalçılarına və emal müəssisələrinə geniş texniki və maliyyə dəstəyi, eləcə də lizinq xidməti göstərilir. Lakin bütün bunlarla yanaşı, ölkədə əsas ərzaq məhsullarına tələbatın yerli istehsal hesabına tam təminatı hələ ki, mümkün olmayıb”,- deyə sərəncamda bildirilib.
Sərəncamda həmçinin dünya bazarında tələbin böyük fərqlə təklifi üstələməsi səbəbindən son vaxtlar ərzaq mallarının qiymətlərində yüksək artım müşahidə olunduğu vurğulanır. Qeyd olunan qiymət artımı Azərbaycanda da ərzaq məhsullarının bahalaşmasında özünü büruzə verir. “Bu isə əhalinin, xüsusilə onun aztəminatlı hissəsinin ərzaqla təminatına və həyat səviyyəsinə mənfi təsir göstərir. Mövcud şərait daxili ərzaq bazarının idxaldan asılılığının azaldılması və ərzaq ehtiyatlarının yaradılması məsələlərinə kompleks yanaşma tələb edir. Ona görə bu cür Dövlət Proqramının hazırlanması ölkədə kənd təsərrüfatı məhsulları istehsalının artırılmasına və əhalinin ərzaqla təminatının yaxşılaşdırılmasına yönəlib”, - deyə sərəncamda vurğulanıb.
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bank Respublika biznes müştəriləri üçün “Mobil Ofis Biznes” tətbiqini yenilədi!
Yelo Bank-ın dəstəyi ilə “Eko Dilçilik” beynəlxalq forumu keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət