2009-cu ildə Bakı Fond Birjasında bütün alətlər üzrə birja əqdlərinin ümumi dövriyyəsi 7 mlrd. manat təşkil edib ki, bu da 2008-ci ilin göstəricisindən 30% azdır.
"Vəziyyətin tez-tez dəyişməsi ilə əlaqədar indi BFB-də dövriyyəni proqnozlaşdırmaq olduqca mürəkkəbdir. Ötən il dövriyyə təxminən 10 mlrd. manat təşkil edib. Əgər bu il biz 7 mlrd.-lıq səviyyəyə çıxsaq, bu, yaxşı göstərici olacaq", - deyə çərşənbə günü jurnalistlərə BFB İdarə Heyətinin sədri Xəyal Abdinov məlumat verib.
Onun sözlərinə görə, cari ildə birjada dövriyyənin əsasını dövlət qiymətli kağızları ilə əməliyyatlar təşkil edir.
"Bu il səhmlər bazarı bir qədər canlanıb və səhmlər bazarı üzrə birja dövriyyəsinin həcmi kəskin şəkildə artıb. Buna görə də dövlət kağızlarının xüsusi çəkisi bir qədər aşağı düşüb", - deyə sədr qeyd edib.
X.Abdinov vurğulayıb ki, 2009-cu ildə BFB maliyyə-təsərrüfat fəaliyyəti nəticəsində mənfəət əldə etməyi planlaşdırır. "Birjanın səhmdarları ümumi illik iclasda (1 may – İF) BFB-nin fəaliyyəti ilə bağlı cari məsələləri müzakirə edib. Xüsusilə 2008-ci ildə 1 mln. manatı keçən xalis mənfəətin 30%-i həcmində dividendlərin ödənilməsinə dair qərar qəbul edilib. Səhmdarlar 2009-cu ilin büdcəsini təsdiqləyiblər. Büdcə mənfəətin əldə olunmasını nəzərdə tutsa da, o, son 2 illə müqayisədə çox az olacaq", - deyə sədr əlavə edib.
Xəbər verildiyi kimi, 2009-cu ilin yanvar-aprel aylarında BFB-də bütün alətlər üzrə birja əqdlərinin ümumi dövriyyəsi təxminən 2,2 mlrd. manat təşkil edib ki, bu da ötən ilin analoji dövrünün göstəricisindən 22,8% azdır.
BFB ölkədə mütəşəkkil fond bazarının yaradılması məqsədilə 2000-ci ilin fevralında təsis edilib. Hazırda BFB-nin İstanbul Fond Birjası da daxil olmaqla 18 səhmdarı var.
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bank Respublika biznes müştəriləri üçün “Mobil Ofis Biznes” tətbiqini yenilədi!
Yelo Bank-ın dəstəyi ilə “Eko Dilçilik” beynəlxalq forumu keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət