Bakı metropoliteni 3 yeni stansiyasının – “Əcəmi-2”, “Avtovağzal” və “Azadlıq Prospekti” metrostansiyalarının tikintisinə başlayıb. Bu barədə metropolitenin rəisi Tağı Əhmədov mətbuat konfransında bildirib.
“Artıq bu stansiyaların tikintisi üzrə işlər aparılır. “Əcəmi-2” və “Avtovağzal” stansiyaları metronun gələcək yeni qolunun tərkib hissələri olacaq. Yeni stansiyalar 5 vaqonlu deyil, 7 vaqonlu qatarların hərəkəti üçün nəzərdə tutulacaq, tunellərin diametri isə 5,8 metr təşkil edəcək”, - deyə T.Əhmədov bəyan edib.
O qeyd edib ki, stansiyaların inşası üçün 2010-cu ilin sonunadək Azərbaycana tunel qazan maşınlar gətiriləcək.
Metropolitenin rəisi onu da deyib ki, 2010-cu ilin sonunadək – 2011-ci ilin əvvəlində Ba”kı metropoliteni “Əzizbəyov” metrostansiyasının yenilənmiş çıxışını istismara verməyi planlaşdırır. “Burada köhnə beton çıxışın yerində 26 metr hündürlüyündə şüşə piramida inşa ediləcək. Podratçı şirkət tender əsasında seçiləcək”, - deyə T.Əhmədov bildirib.
Onun sözlərinə görə, bir sıra metrostansiyaların adlarının dəyişdirilməsi nəzərdə tutulur. “Bu qərar yalnız ölkə başçısının sərəncamı ilə qəbul olunur. Məndə olan məlumata görə, “Əzizbəyov”, “Ulduz” və “İnşaatçılar” metrostansiyalarının adları dəyişdirilə bilər”, - deyə T.Əhmədov söyləyib.
O həmçinin qeyd edib ki, Bakı metropoliteni cari ildə 50-60 yeni vaqon almağı planlaşdırır.
“Əvvəllər biz vaqonları Mıtişinsk vaqonqayırma zavodundan (Rusiya) alırdıq, ancaq indi Siemens, Alstom, “Bombardir və Cənubi Koreya şirkətləri kimi alternativ variantları nəzərdən keçiririk. Artıq bununla bağlı danışıqlar aparılır və tezliklə müsbət nəticə əldə olunacağına ümid edirik. Bununla yanaşı, biz 3-4 vaqon alınması praktikasından əl çəkərək, iri partiyalarla – 50-60 vaqon almaq niyyətindəyik”, - deyə metropolitenin rəisi vurğulayıb.
Bir sıra metrostansiyaların əlavə çıxışlarının açılması planlarına toxunan T.Əhmədov qeyd edib ki, 2010-cu ildə həyata keçirilməsi nəzərdə tutulan bu proses qeyri-müəyyən müddətə təxirə salınıb.
“Elmlər Akademiyası” stansiyasının Bakı Dövlət Universitetinin həyətinə, “Nizami” stansiyasından isə Akademik Dram Teatrına yeni çıxışın açılması planlaşdırılır. Bundan başqa, sərnişinlər “Sahil” metrostansiyasından əvvəllər Nəsimi heykəlinin yerləşdiyi yerlə yanaşı əraziyə, “İçərişəhər” stansiyasından isə Milli Parka düşə biləcəklər”, - deyə o bildirib.
Xəbər verildiyi kimi, metropolitenin inkişafı layihəsinə əsasən, 2040-cı ilədək stansiyaların sayının 70-ə çatdırılması planlaşdırılır ki, bunun da 21-i artıq fəaliyyətdədir.
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bank Respublika biznes müştəriləri üçün “Mobil Ofis Biznes” tətbiqini yenilədi!
Yelo Bank-ın dəstəyi ilə “Eko Dilçilik” beynəlxalq forumu keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət