Azərbaycan sahibkarları ASK sektorunda 6 investisiya layihəsinin həyata keçirilməsi üçün Sahibkarlığa Kömək Milli Fondunun vəsaitlərindən 16,7 mln. manat alacaqlar. Bu barədə SKMF-in icraçı direktoru Şirzad Abdullayev cümə axşamı jurnalistlərə məlumat verib.
"Sahibkarlar üç istiqamət üzrə 16 investisiya layihəsini kreditləşdirilmək üçün fonda təqdim ediblər. Diqqətli analizdən sonra 6 layihənin kreditləşdirilməsi məqsədəuyğun sayılıb", - deyə icraçı direktor bildirib.
Onun sözlərinə görə, seçilmiş layihələrin ümumi dəyəri təxminən 53 mln. manat təşkil edir ki, bunun da 16,7 mln. manatını SKMF-in kredit vəsaitləri təşkil edəcək.
Ş.Abdullayev qeyd edib ki, uşaq qidası istehsalı üzrə layihənin kreditləşdirilməsinə 5 mln. manat ayrılacaq. "Fonda təqdim olunmuş üç layihədən biz birinin kreditləşdirilməsini məqsədəuyğun hesab etmişik. Bu layihənin ümumi dəyəri 13 mln. manat təşkil edir, fondun vəsaitlərindən kreditlər 5 mln. manat məbləğində olacaq", - deyə o vurğulayıb.
Bundan başqa, daha 9,7 mln. manat məbləğində kredit ən azı 100 baş mal-qara üçün heyvandarlıq-südçülük komplekslərinin yaradılması ilə bağlı 3 layihənin həyata keçirilməsinə ayrılacaq. Bu layihələrin ümumi dəyəri təxminən 37 mln. manat təşkil edir.
Fondun rəhbəri əlavə edib ki, üzüm emalı üzrə kiçik və orta müəssisələrin yaradılması ilə bağlı iki investisiya layihəsinin həyata keçirilməsinə 2 mln. manat məbləğində kredit ayrılacaq.
"Bu 6 layihə üzrə maliyyələşmə mərhələli şəkildə aparılacaq. Biz sahibkarlarla kreditləşmənin qrafikini müəyyən edəcəyik", - deyə o qeyd edib.
Seçilmiş layihələrin maliyyələşdirilməsi “2008-2015-ci illərdə Azərbaycan əhalisinin ərzaq malları ilə davamlı təminatı Dövlət Proqramı”nın gerçəkləşdirilməsi çərçivəsində həyata keçiriləcək.
SKMF 1992-ci ildə yaradılıb. Sahibkarlara kreditlərin verilməsi 36 müvəkkil bank və qeyri-bank kredit təşkilatları vasitəsilə həyata keçirilir. 2009-cu ildə fond 2,1 min layihənin həyata keçirilməsi üçün 130 mln. manat güzəştli kredit ayırıb. 2010-cu ildə fond sahibkarların kreditləşdirilməsi üçün SKMF-ə ən azı 115 mln. manat məbləğində kredit ayırmağı planlaşdırır.
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bank Respublika biznes müştəriləri üçün “Mobil Ofis Biznes” tətbiqini yenilədi!
Yelo Bank-ın dəstəyi ilə “Eko Dilçilik” beynəlxalq forumu keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət