Maliyyə Nazirliyi təhsil və səhiyyə sahələrinin büdcədən maliyyələşdirilmə mexanizmini təkmilləşdirməyi planlaşdırır. Bu barədə maliyyə naziri Samir Şərifov kollegiyanın geniş tərkibli iclasında bəyan edib.
Maliyyə Nazirliyinin məlumatında qeyd edilir ki, kollegiyanın iclası 2011-ci ilin yekunlarına, 2012-ci ilə olan vəzifələrə və 2013-cü ilin dövlət büdcəsinin hazırlanmasına həsr edilib.
“Maliyyə Nazirliyi büdcə prosesinin təkmilləşdirilməsi üzrə işləri, xüsusilə, təhsil və səhiyyə maliyyələşdirilməsini, maliyyələşdirmənin daha müasir prinsiplərinin tətbiqini davam etdirəcək”, - deyə məlumatda maliyyə nazirinin sözlərindən sitat gətirilir.
Kollegiyanın iclasında qeyd edilib ki, 2011-ci ildə Azərbaycanın ümumi büdcəsinin gəlirləri 23,2 mlrd. manat təşkil edib və plan tapşırığı 116% yerinə yetirilib, xərcləri - 17,6 mlrd. manat təşkil edib və 94,4% yerinə yetirilib. Ötən il dövlət büdcəsinin gəlirləri 15,7 mlrd. manat təşkil edib və 100,9% yerinə yetirilib, xərcləri –15,4 mlrd. manat təşkil edib və 96,6% yerinə yetirilib.
S.Şərifov vurğulayıb ki, Maliyyə Nazirliyi qarşısında duran ən vacib məsələlərdən biri 2013-cü və 2014-2016-cı illər üçün dövlət büdcəsinin və ümumi büdcənin vaxtında və keyfiyyətli hazırlanmasıdır. Büdcə göstəricilərinin hazırlanması zamanı Azərbaycan Prezidenti İlham Əliyevin “Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”nın icrasının üçüncü ilinin yekunlarına həsr olunan konfransda verdiyi tapşırıqlar nəzərə alınmalıdır.
Xüsusilə, məqsədli dövlət proqramları və tədbirlərin maliyyələşdirilməsinə xüsusi diqqət yetirilməli və dövlət büdcəsindən bunun üşün lazımi həcmdə vəsaitin ayrılması üzrə təkliflər hazırlanmalıdır. Bu sosial məsələlərin həllinə, əhalinin rifahının artırılmasına, müdafiə potensialının gücləndirilməsinə, iqtisadi, enerji, nəqliyyat, ərzaq və ekologiya təhlükəsizliyinin təminatına, regionların inkişafının tarazlaşdırılmasına, sahibkarlığın dəstəklənməsinə və iqtisadiyyatın digər vacib sahələrinin inkişafına yönələn proqram və tədbirlərə aiddir.
Maliyyə Nazirliyinin kollegiyası həmçinin Maliyyə Nazirliyinin Dövlət Maliyyə Nəzarəti Xidmətinin keçirdiyi Təhsil Nazirliyi sistemində məktəbəqədər müəssisələrin fəaliyyətinin monitorinqinin nəticələrini, digər məsələləri müzakirə edib.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
TuranBank Habib American Bank-da ABŞ dollarında müxbir hesab açıb
Dünyanın ən məşhur idman və əyləncə kanalları indi “CityNet”də!
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət