Azərbaycan hökuməti iyunun 1-dən əhalinin SSRİ Əmanət Bankındakı əmanətlərinin birdəfəlik verilməsi prosesinə hazırdır. Bu barədə maliyyə naziri Samir Şərifov cümə axşamı mətbuat konfransında məlumat verib.
"Biz sabahdan əhalinin 1992-ci il 1 yanvar tarixinə SSRİ Əmanət Bankındakı əmanətlərinin birdəfəlik verilməsi prosesinə başlamağa hazırıq. Əmanətçilər vəsaitləri almaq üçün iyunun 1-dən “Kapital Bank” ASC-nin xüsusi məntəqələrinə ərizə verə bilərlər”, - deyə nazir bildirib.
O qeyd edib ki, əgər əmanətçinin bütün sənədləri qaydasında olarsa, ödəniş 1 gün ərzində həyata keçiriləcək. “Biz vətəndaşlara vəsaitləri son dərəcə tez verməyə çalışacağıq. Sənədlərlə bağlı problem olmadıqda, vəsaitlərin maksimum verilmə müddəti 5 gündür”, - deyə S.Şərifov söyləyib.
Nazir vurğulayıb ki, Azərbaycanda əmanətlər üzrə indeksləşdirmə prosesi MDB-nin digər a ölkələrində analoji proseslərdən olduqca fərqlənir. "Bir sıra MDB dövlətlərində bu proses uzun müddət - 5-10 və hətta 20 il vaxt aparır . Azərbaycanda isə vəsaitlərin verilməsi prosesi 19 ay ərzində həyata keçiriləcək. Vətəndaşların ərizələri 2012-ci il dekabrın 31-dən qəbul edilir, vəsaitlərin verilməsi isə 2013-cü il dekabrın 31-nə qədər başa çatacaq", - deyə S.Şərifov bildirib.
Nazirin sözlərinə görə, inventarizasiya zamanı SSRİ Əmanət Bankında 2,4 mln. hesabın olduğu müəyyən edilib. “Bizim qiymətləndirmələrimizə görə, əmanətlərin qaytarılması üçün 1 mlrd. manata yaxın vəsait lazım olacaq”, - deyə o əlavə edib.
Ərizələrin qəbulunun və vəsaitlərin verilməsinin təşkili üçün “Kapital Bank”ın 65-i Bakıda, qalanları isə regionlarda olmaqla 143 məntəqəsi yaradılıb və əlavə 350 nəfər cəlb edilib.
Xəbər verildiyi kimi, Azərbaycan Prezidenti İlham Əliyev 2012-ci ilin mart ayında 1992-ci il 1 yanvar tarixinə keçmiş SSRİ Əmanət Bankının Azərbaycan Respublikası vətəndaşları olan əmanətçilərinə birdəfəlik fərdi ödənişlərin edilməsi haqqında fərman imzalayıb. Fərmana əsasən, birdəfəlik fərdi ödənişlər 1992-ci il 1 yanvar tarixinə əmanətləri olan əmanətçilərə veriləcək.
Birdəfəlik ödəmə əmanət qalığının məbləğindən asılı olaraq aşağıdakı qaydada hesablanacaq: əmanət 2 min rubla qədər olduqda (0,04 manat) əmanət qalığının hər bir qəpiyi üçün 75 manat, 2 mindən 5 min rubla qədər olduqda (0,04 manatdan 0,1 manata qədər) - 300 manat + 0,04 manatdan artıq olan əmanət qalığının hər bir qəpiyinə 50 manat, 5 mindən 10 min rubla qədər olduqda (1 manatdan 0,2 manata qədər) - 600 manat + 0,1 manatdan artıq olan əmanət qalığının hər bir qəpiyinə 40 manat, 10 min rubldan yuxarı olduqda (0,2 manatdan) – 1 min manat + 0,2 manatdan artıq olan əmanət qalığının hər bir qəpiyinə 25 manat veriləcək.
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bank Respublika biznes müştəriləri üçün “Mobil Ofis Biznes” tətbiqini yenilədi!
Yelo Bank-ın dəstəyi ilə “Eko Dilçilik” beynəlxalq forumu keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət