“2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı”nın icrasına 2011-2012-ci illərdə ümumilikdə 1,8 mlrd. manat vəsait ayrılıb. Bu barədə iqtisadi inkişaf naziri Şahin Mustafayev çərşənbə günü Dövlət Proqramının icrasının birinci ilinin yekunlarına həsr olunmuş konfransda məlumat verib.
“Həmin Dövlət Proqramında nəzərdə tutulan tədbirlərin icrasına son iki ildə ümumilikdə 1,8 mlrd. manat vəsait ayrılıb. Yaşayış məntəqələrinin qazlaşdırılması, əhalinin elektrik enerjisi ilə təchizatının yaxşılaşdırılması sahəsində tədbirlərin icrası davam etdirilib”, - deyə nazir bildirib.
Onun sözlərinə görə, paytaxt və qəsəbələrdə, eləcə də Abşeron rayonunun qəsəbə və kəndlərində 1210 kilometr yeni qaz kəmərləri çəkilib və yenidən qurulub, 160 min məişət qaz sayğacı quraşlaşdırılıb və ya yeniləri ilə əvəz olunub. Ümumilikdə, ötən il Bakı şəhəri və qəsəbələri üzrə 22 min 190, Abşeron rayonunda isə 7 min 940 yeni abonent qazla təchiz edilib.
Ş.Mustafayev bildirib ki, ötən il 1520 kilometr kabel və 200 kilometr yeni elektrik verilişi xətləri çəkilib, 330 kilometr elektrik verilişi xətlərində təmir-bərpa işləri aparılıb. Yeni enerji güclərinin yaradılması üçün elektrik stansiyalarının tikintisi davam etdirilib, “Şimal” elektrik stansiyasında 409 meqavat gücündə olan ikinci buxar-qaz enerji qurğusunun təməli qoyulub.
Yaşayış məntəqələrinin istilik təchizatının yaxşılaşdırılması işləri proqrama uyğun davam etdirilib, təmir-tikinti işləri yekunlaşmış 122 təhsil və səhiyyə obyekti istilik təchizatı ilə təmin edilib, 150-dən çox yaşayış binasına və sosial obyektə xidmət edən 6 qazanxana yenidən qurulub.
Onun sözlərinə görə, hesabat ilində 61 kilometr müxtəlif diametrli su və 57 kilometr kanalizasiya xətti və kollektor quraşdırılıb, 13 su anbarı və 4 su nasos stansiyası tikilib və yenidən qurulub.
Bundan başqa, Sahibkarlığa Kömək Milli Fondu tərəfindən 2011-2012-ci illərdə Bakı qəsəbələri üzrə 46,1 mln. manat kredit verilib, bunlardan müasir texnologiyaların tətbiqinə əsaslanan 29 layihənin maliyyələşdirilməsinə 42,1 mln. manat güzəştli verilib. Müəssisələrdən 9-u istifadəyə verilib, bu ilin sonunadək 19-nun istifadəyə verilməsi planlaşdırılır.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət