Azərbaycanda İxracın və İnvestisiyaların Təşviqi Fondunun (AZPROMO) ABŞ-dakı nümayəndəliyi iyunun 25-də Bakıda Azərbaycan şirkətləri üçün ABŞ-a məhsul ixracının şərtləri mövzusunda təqdimat keçirəcək. Bu barədə Azpromo-nun məlumatında deyilir.

Təqdimat zamanı azərbaycanlı iş adamlarına ABŞ-a rəqabətqabiliyyətli məhsul ixracı zamanı tələb olunan sənədlər və prosedurlar barədə məlumat veriləcək.

Azpromo İqtisadi İnkişaf Nazirliyi tərəfindən 2003-cü ildə yaradılıb. İlkin mərhələdə fond investisiyaların təşviqi və investisiya məsələləri üzrə məsləhətləşmələrlə məşğul olurdu. 2005-ci ilin avqustunda fondun funksiyaları genişləndirilib və fond ixracın təşviqi məsələləri ilə məşğul olmağa başlayıb.