2013-cü ilin yanvar-sentyabr aylarının yekunları üzrə Azərbaycanda istehsal sahəsində biznesin inam indeksi 13,6%, ticarət sahəsində 10,9% təşkil edib.
Bu barədə Mərkəzi Bankın (AMB) saytında dərc edilmiş 2013-cü ilin 9 ayı ərzində pul siyasəti icmalında deyilir.
İcmala əsasən, 2012-ci ilin 9 ayının yekunları üzrə istehsalatda biznesin inam indeksi 11,7%, ticarətdə 5,7% təşkil edib.
“Biznesin inam indeksinin artması istehsal və ticarət sahəsində satış həcmlərinin artımı ilə əlaqədardır. AMB-nin keçirdiyi monitorinq respublikada iqtisadi fəallıqla bağlı nikbin gözləntilərin olduğunu göstərir”, - deyə icmalda qeyd olunur.
AMB hər rüb real sektorun monitorinqi çərçivəsində Azərbaycanın qeyri-neft sektoru müəssisələri arasında sorğu keçirir.
“Xüsusilə tikinti materiallarının istehsalı, toxuculuq sənayesi, mebel və elektrik cihazları ticarətində müsbət tendensiyalar müşahidə olunub. Nəticədə anbarlarda məhsul qalıqlarının azalması müşahidə edilir”, - deyə icmalda vurğulanır.
2013-cü ilin yanvar-sentyabr aylarında qeyri-neft sektorunun praktiki olaraq bütün sahələrində iqtisadi artım müşahidə olunub. İctimai iaşə sahəsində artım 18,8%, ticarət sahəsində 9,6%, rabitə sahəsində 7,1%, tikinti sahəsində 30%, sosial sahədə 3,9%, aqrar sahədə 4,9%, nəqliyyat sahəsində 4,9% təşkil edib.
Yalnız sənaye sahəsi istisna təşkil edib, burada 0,1% azalma qeydə alınıb.
“Buna əsasən AMB Azərbaycanda iqtisadi fəallığın perspektivlərini nikbin qiymətləndirir. Bütövlükdə son sorğular göstərir ki, son aylar ərzində istehsal və dövriyyənin həcmini artıran müəssisələrin sayı çoxalır və bu tendensiya davamlı xarakter daşıyır”, - deyə icmalda qeyd edilir.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət