Azərbaycan Ermənistana Bakıda saxlanılan erməni ailəsini iyulun əvvəlində girov götürülən Azərbaycan vətəndaşları Şahbaz Quliyev və Dilqəm Əsgərovla dəyişməyi təklif edib. Bu barədə jurnalistlərə baş nazirin müavini, Qaçqın və Məcburi Köçkünlərin İşləri üzrə Dövlət Komitəsinin sədri Əli Həsənov bildirib.
“Biz Ermənistan tərəfinə son dəfə təklif etdik. Bizdə 5 nəfərlik erməni ailəsi (Gevorkyan - İF-Az) və bu yaxınlarda ölmüş təxribatçının (Karen Petrosyan) meyiti saxlanılır. Biz erməni ailəsini azərbaycanlı girovlarla, təxribatçının meyitini isə Həsən Həsənovun (Kəlbəcərdə öldürülüb - İF-Az) meyiti ilə dəyişməyi təklif etmişik”,- deyə Ə.Həsənov bildirib.
Onun sözlərinə görə, Ermənistan tərəfi girovları qaytarmaqdan imtina edir və yalnız meyitləri dəyişməyə razılıq verir.
“Dünən Beynəlxalq Qızıl Xaç Komitəsindən bizə bildirilib ki, ermənilər yalnız meyitləri dəyişmək istəyirlər, onlar girovları dəyişmək niyyətində deyillər”,- deyə komitə sədri qeyd edib.
“Bu prosedur kompleks xarakter daşımalıdır. Başqa təklifləri biz qəbul etməyəcəyik”.- deyə o əlavə edib.
Gevorkyan ailəsi 2010-cu ilin yanvarında Azərbaycan tərəfə keçərək üçüncü ölkəyə getmək istədiyini bildirib.
Karen Petrosan avqustun 7-də Azərbaycan Silahlı Qüvvələrinin antitəxribat əməliyyatları zamanı əsir götürülüb. Avqustun 8-də o, kəskin ürək-damar çatışmazlığından ölüb.
Üç azərbaycanlı - Şahbaz Quliyev (həyat yoldaşı RF vətəndaşıdır), Dilqəm Əsgərov (RF vətəndaşıdır) və Həsən Həsənov bu ilin iyul ayının əvvəlində Ermənistan Silahlı Qüvvələri tərəfindən Azərbaycanın işğal altında olan Kəlbəcər rayonu ərazisində əsir götürülüb. Bir neçə gün sonra əsirlərdən birinin - Həsən Həsənovun erməni əsgərlər tərəfindən öldürülməsi barədə məlumat yayılıb.
Ermənistanın informasiya resursları əsirlərin və öldürülən şəxsin Azərbaycanın kəşfiyyat-təxribat qrupunun üzvləri olduğunu bildirir.
Öz növbəsində Azərbaycanın Müdafiə Nazirliyi yuxarıda adlıarı çəkilən şəxslərin respublikanın Silahlı Qüvvələrinə aiddiyyətinin olmadığını bildirərək Ermənistan tərəfinin yaydığı məlumatı təkzib edib.
F.İsazadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət