SOCAR (Azərbaycan Dövlət Neft Şirkəti, ARDNŞ) Afinada ofis açmağı planlaşdırır. Bu barədə SOCAR-ın prezidenti Rövnəq Abdullayev Yunanıstanın "Bridging Europe" nəşrinə müsahibəsində məlumat verib.
“Yunanıstanda fəallığımızın artması nəticəsində Afinada ofis açmağı qərara aldıq. “SOCAR Energy Greece SA” yaradılandan sonra Yunanıstandakı həmkarlarımızla qarşılıqlı əlaqə saxlamaq və bu ölkədə daha geniş imkan və perspektivləri diqqətə almaq daha asan olacaq”, - deyə R.Abdullayev qeyd edib.
SOCAR-ın prezidenti bildirib ki, şirkət Yunanıstanın DESFA dövlət qazpaylayıcı şirkətinin səhmlərinin alınması ilə bağlı işi davam etdirir və yaxın bir neçə ay ərzində bu sövdələşmənin başa çatmasını gözləyir.
“DESFA SOCAR üçün Avropa İttifaqında bu cür miqyaslı ilk layihədir. Bundan başqa, qeyd etmək istərdim ki, Yunanıstan TAP qaz kəmərinin tikintisi layihəsinin iştirakçı ölkələrindən biri olaraq, onun reallaşdırılmasında mərkəzi rol oynayır”, - deyə R.Abdullayev bildirib.
Onun sözlərinə görə, Yunanıstan “Azərbaycanın yaxşı dostu və etibarlı strateji tərəfdaşıdır”.
“Çox güman ki, ölkələrimiz arasında dostluğun mühüm göstəricilərindən biri əməkdaşlığın yalnız neft və qaz sahələri ilə məhdudlaşmaması faktıdır. İnanıram ki, gələcəkdə münasibətlərimiz və iqtisadi əməkdaşlığımız daha da möhkəmlənəcək”, - deyə R.Abdullayev vurğulayıb.
Xəbər verildiyi kimi, 2013-cü il iyulun 31-də Yunanıstanın Dövlət Əmlakının İdarə Edilməsi Fondu (Hellenic Republic Asset Development Fund, HRADF) DESFA qazpaylayıcı şirkətinin 66%-lik səhm paketinin Azərbaycan Dövlət Neft Şirkəti tərəfindən 400 mln. avroya alınmasına dair sövdələşməni təqdir edib.
2013-cü ilin dekabr ayında ARDNŞ ilə Yunanıstanın Dövlət Özəlləşdirmə Fondu və “Petroleum” şirkəti arasında “Səhmlərin Alqı-Satqı Müqaviləsi” və “Səhmdarlar haqqında Müqavilə” imzalanıb.
ARDNŞ DESFA-nın səhmlərinin 31%-ni Yunanıstan hökumətindən, 35%-ni “Hellenic Petroleum SA” şirkətindən alır. DESFA üzərində nəzarətin SOCAR şirkətinə verilməsinə qədər Yunanıstan şirkətinin səhmlər paketinə HRADF tərəfindən nəzarət edilir.
Avropa Komissiyası Yunanıstanın DESFA qaz nəqli sistemi operatorunun səhmlərinin SOCAR tərəfindən alınmasının Avropa İttifaqının reqlamentinə uyğunluğunu qiymətləndirmək üçün araşdırmalara başlayıb. Avropa Komissiyası 2015-ci il martın 23-nə qədər qərar qəbul etməlidir.
DEPA və DESFA-nın satışı bu ölkənin özəlləşdirmə proqramının əsas bəndlərindən biri hesab olunur. Yunanıstan onların satışından 1,5 mlrd. avro əldə etməyi nəzərdə tuturdu.
TAP layihəsi “Mərhələ-2” çərçivəsində “Şahdəniz” yatağından təbii qazın Yunanıstan və Albaniyadan Qərbi Avropaya nəqlini nəzərdə tutur. Boru kəmərinin gücü ildə 10 mlrd. kubmetr qaz təşkil edir. Lakin tələb və təklifdən asılı olaraq bu rəqəmin 20 mlrd. kubmetrə çatdırılması mümkündür. Bu kəmərlə Azərbaycan qazının nəqlinin 2019-cu ildə başlanması nəzərdə tutulur. Trans-Adriatik qaz kəməri layihəsində səhmdarlar arasında pay bölgüsü aşağıdakı kimidir: BP - 20%, SOCAR - 20%, “Statoil” - 20%, “Fluxys” - 19%, “Enagas” - 16%, “Axpo” - 5%.
N.Abbasova
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət